LOADING CLOSE

Tesla

2021Tesla Model S 全新內飾大公開

講咗幾年,Tesla Model S會出新款, 今日終於公佈啦! 特斯拉嘅性能正就大家都知,車型都靚仔,但係Model S同Model X車內飾方面........真係爭啲,所以今次Model S出新款,一眾fans都非常期待,特別關心內飾。 今日,Tesla啱啱公佈嘅新款Model S,最重要嘅變化就係內飾: 新蝴蝶式軚盤 新軚盤喺Tesla官網上稱其為“軛 (Yoke) ”轉向: “終極專注於駕駛:無柄,無變速。借助無桿轉向磁軛,您既可以享受駕駛的最佳汽車,也可以享受駕駛的最佳汽車。” Model S新中央屏幕移至水平,整裝後為12.3吋。儀錶盤組雖然細咗,但是由於有了新蝴蝶式軚盤,可以一覽無餘。 新的中央顯示屏具有2200×1300解像度,超亮色彩,出色的響應能力和左右傾斜度,進行娛樂和遊戲。駕駛位置前面第二個顯示屏顯示關鍵駕駛信息。 Model S後部增加咗第三個顯示屏,位於中央控制台後部,8吋屏幕為第二排乘客提供娛樂及控制,同時還提供22揚聲器,960w高級聲音系統,有主動降噪功能。     其他標準功能包括:照顧所有乘客嘅加熱座椅,通風嘅前排座椅,三區域氣候控制,HEPA空氣過濾,車廂氣氛燈(Ambient lighting)。 最貼心係有為每位乘客提供無線充電板,同USB-C端口快速充電位,並為前排乘客提供滑動杯架及存儲位。第二排位可收起的中央扶手,有集成式存儲裝置及無線充電功能。亦有電動後尾門,後視鏡功能包括自動變暗和加熱功能。 新款Model S仲有新嘅有色玻璃車頂,有紫外線和紅外線保護功能,唔會曬襯你BB。 美國Model S現價為80,000美元起,之後,由“ Plaid”和“ Plaid +”代替“ Performance”版:   Model S Long Range可以達到412英里的航程,至於使用新電池“ Plaid +”,Tesla預計會超出520英里。 美版3款Model S規格比較: 香港幾時至有新款 ? Bolt仔會幫你密切留意!!   圖片及資料來源: Electrek; CarAdvice

[以1頂9?] Tesla市值=全球九大汽車公司總市值

2020年12月21日,除咗係大家第一次無得出街做冬嘅冬至,仲係Tesla 嘅一個歷史重要時刻,因為呢隻電動車股票正式成為標準普爾500指數,而且仲破紀錄,從未試過有新加入即成為十大成份股,通常都經過好多年,而Tesla嘅股值竟然係一上即排第5位!單係2020年已增加了超過5,000億美元,市值如今已相當於全球九大汽車公司的市值總和 : 包括大眾Volkswagen,豐田Toyota,日產Nissan,現代Hyundai,通用GM,福特Ford,本田Honda,Fiat Chrysler及標致Peugeot !! 唔係「誇張」二字足以形容! 睇返Tesla 十年嘅股市里程: 2010年9月: 加入Russell (羅素)1000指數,每股US$4.40 2013年7月: 達到nasdaq (納斯達克)100的基準,當時股價US$26 2020年12月: 納入S&P標準普爾500指數,每股US$600美元 上市十年內升咗14,000%,只係今年,股價已飆升咗八倍,既然咁勁,點解而家先被納入為標普成份股? 其實標準普爾500指數入場門檻好高,Tesla被納入唔係靠Elon Musk狂熱信徒炒起,係Pang公司真正業績:能加入嘅公司,必須要最新季度收益,以及連續四個季度收益總和係正數,絶不能見紅,即係一定要持續Tesla先囉有盈利,公司先會得到肯定 ! 電動車以前一直俾人覺得係非主流產品,亦有被認為係泡沫,好多初創公司有超勁概念,但能夠投入生產甚至賺到錢嘅唔多?甚至傳統大汽車廠嘅電動車,銷量與成本好多都未能成正比。所以,Tesla雖然股價升得好犀利,都要等到今年先終於達到標普嘅準則,除咗係認同佢嘅成功,亦係對電動車未來嘅肯定。 歷年Tesla每季汽車出貨數量 (單位: 部) Tesla CEO 馬斯克 (Elon Musk)已經成為新一代成功icon,取代Bill Gates 成為全球第二首富。雖然未必個個認同佢嘅作風,但係佢其中一個大家認同嘅成功之處,係親民貼地,唔會高高在上,會經常透過互聯網吸收意見,而且反應迅速。 最近一個例子就係關於\"Full Self-driving service  (FSD)\" 完全駕系統。Tesla嘅全自駕FSD 系統雖然未發展成熟,唔係真正「完全自動」,但呢個自選系統非常昂貴,要加US$10,000先可體驗,(2018年仲係US$6000),價格有加上無落,馬斯克今年較早時更表示,FSD 全面投入運營後,價格將達到100,000美元或更高。 FSD 完全駕系統 (source: electrek@FredericLambert) 咁有網民就喺馬斯克佢Twitter留言問,可唔可以比年費唔啊 ? 我係租車嘅冇理由要嘥錢買FSD㗎!點知馬斯克好快就覆佢話「可以 ! 明年就推出年費計劃!」呢啲就係真正互動,抵佢成為億萬(美金)富翁!如果可以比年費試下體驗,我相信會有更多駕駛者乖乖加入要試! 資料及圖片來源: Financial Times; Twitter,  FoxBusiness, CNBC

[有片]Tesla Model Y vs 3 vs X後座舒適度比拚

定位SUV跨界休旅車嘅Tesla Model Y,3月中先在美國剛開始出貨,香港仲有排。 揀Model 3 定 Model Y 甚至 Model X呢? 你可能已經睇咗唔少試車片。好多試車都係講下性能表現同操控咁,都係由駕駛角度出發,比較少關心後座乘客坐得舒唔舒服。如果你係family man,成日全家出動,唔想屋企人坐到摺埋,揀車前呢嗰試車片你要睇睇。 Tesla model X, model Y, model 3 排排坐 Model Y 車廂數字 雖然Model Y已有官方車尺寸,但只有數字係唔夠感受到,車廂空間濶度之外,座位高低,椅背斜度車頂都影響坐的舒適度。今次集齊Model X,Model 3,Model Y,測試員係  Brian: 6呎5    Ashley: 5呎10吋   分別坐入3架Tesla司機後座椅示範比你睇,司機位講明係跟返大隻爸爸Brian坐開咁set,無出蠱惑。 究竟Model Y是否好似我地想像一樣在後排座椅中同樣寬敞? 比Model 3還要寬敞? 後排比Model X大 ? 這段視頻為我們提供了答案。 https://youtu.be/1VZIMdy8uhY 資料及圖片來源: youtube channel i1Tesla; insideEVs,com

[有片]實測 行咗23.5萬公里嘅Tesla電池效能!

車嘅壽命有幾耐? 燃油車平均可以行32-50萬公里,十零年就周身傷。 咁電動車呢?  電動車歷史仍相對較新,無數十年數據。最擔心係電池老化,整個電動車最貴的組件係電池,無論車廠點吹噓,都係真實用家試比你睇實在D。 Bolt仔找到美國用家 Branden Flasch 日前真實測試佢部揸得極多嘅EV參考下。 測試地點: 美國 車齡: 5年 (2015年) 車型: Tesla Model S - 70D 行駛里數: 146,000英里 (約234,960公里) 充電循環: 1,000多次 以美國人平均每年行駛15,000英里 (2.4萬公里) x 5年 = 75,000英里 (12萬公里),Branden 架車行咗23.5萬公里,係兩倍!! 好高用量!! 香港私家車平均只係每年1.1萬公里咋*,即係等於廿年車!!!  Branden點測試呢?  先將他部2015年 Model S充滿電,然後將其降低到零,以測量汽車使用的kWh,這使我們清楚地看到了70kWh原裝電池仲有幾多可用。即刻睇片! https://youtu.be/r6evsOg0w_k 測試結果:  Branden的Model S電池仍保留到83%。在超高行駛里程上,平均每年的電能損耗僅為3.4%。如果用返美國平均每年行駛約2.4萬公里計,每年電池容量損耗只有1.7%,用香港平均數計就更低啦,表現相當厲害 !   (*運輸署2017數字) 資料及圖片來源: youtube channel Branden Flasch; insideevs.com; legco.gov.hk/research-publications

電動車1秒變林寶基尼!

1秒變林寶基尼 ? 係變林寶嘅聲 ! 駕駛上,雖然電動車都提供到好正速度感 而且仲好快,但鍊開車嘅人揸電動車始終係會有少少掛住引擎聲,車未到隆隆聲先到,係好興奮。 好啦,居然真係有人做野 ! 英國Milltek Sport以排氣技術聞名的公司創建了一個模擬汽車內外內燃機聲音嘅系統, 產生的聲音深沉,非常響而且像真度高。佢可以將您部電動車咪可以變成有V10或V12林寶基尼…...咁嘅聲 ! 好爽喎 !   即睇youtube 頻道Archie Hamilton Racing示範,記住開大volume! https://youtu.be/HmDXE3o8dMc 呢個功能,平時可以關閉,想引途人回頭注意先用,係有D無聊但好玩! Milltek Sport計劃在未來增加更多聲音,你又Buy唔Buy? 資料及圖片來源: Archie Hamilton Racing youtube channel

Tesla 殺手會係? 電池技術競賽

傳統大車廠都紛紛公佈電動車計劃,但想動搖Tesla超級一哥地位係無咁易!! 因為Tesla多年投放資源係電動車電池技術上令其地位超然。能掌握新電池技術先可以大打佬!! 不過,最近兩個新電池技術消息都足以改變電動車市場形勢,先睇睇美國研究:   General Motor通用汽車 (GM)新車電池:Ultium 先講General Motor通用汽車 (GM)推出的一種新電動汽車電池,命名為Ultium的新型電池是柔軟的扁平袋包裝的軟電池(soft-packed)。 介紹返,電動車電池有不同的形式,如Tesla用的是硬包裝電池。軟電池唔係新野,但通常這些袋式軟電池是必須水平排列如書架上嘅書咁。     Ultium的破格是也可以垂直堆疊,並且放在側面,容許電池組有更多種形狀,可以裝入不規則形狀的空間中,方便汽車設計人員有更大靈活性,令製造商可以根據不同需求將Ultium電池製成不同的尺寸和形狀。 而另一大技術突破係Ultium電池單元使用的鈷含量極低。Ultima 是鋰離子設計,將內部化學成分鈷價格昂貴及稀有,GM能夠減低鈷用量而保持電池穩定,就已保障成本不會過高。GM承諾,新電池的價格可以迅速降至100美元/千瓦以下。 電池係佔電動車成本好大一部分,呢個突破令GM得輸。GM表明只要持續製造,價格更會再下降。目前,Tesla是電動車銷售中的金屬電池佔銷售額的90%,雖然Ultium續航力比Tesla目前電池只係多10英里(400英里),但重點在於靈活性及成本。GM仲表明計劃將新電池技術許可比其他汽車製造商,呢個就真有可能K.O. Tesla在業界嘅巨大領先地位。   Samsung 三星固態電池新突破 GM公佈完幾日後日韓研究接力公佈新突破,Samsung三星先進研究院(SAIT)與三星日本研究所(SRJ)的研究人員,在國際科學期刊Nature Energy發表新突破性固態電池技術,成功去除了固態電池中的鋰金屬陽極,並用銀碳(Ag-C)複合層代替。令電池可以有更大容量,更長的壽命週期並提高整體安全性。 團隊稱為“小袋”的新固態電池,可以使電動車行駛約500英里,能夠充電超過1000次。充電時間也比當今最好的鋰離子電池更快。 好勁係咪? 比起GM,三星呢個固態電池研究係起步,離真正生產還需要幾年的時間,用於電動車更需要再多好時間。但假如進一步測試同開發順利進行,三星這個發現可能係電池和電動汽車歷史的轉折點,汽車製造商肯定會密切關注進一步的發展。 圖片及資料來源: gm.com; popularmechanics.com; cnn.com; samsung.com; carbuzz.com; businesskorea.co.kr

Tesla GPS系統加新功能[歐洲限定]

以往,Tesla車主的汽車導航系統中,只會顯示自家的Supercharger超級充電站和Destination Charging目的地充電網絡,如果你架車充電狀態唔夠去到最終目的地,GPS會直接指示你去Tesla充電站。 呢情況已改變,歐洲Tesla車主剛收到通知: “今年春假,我們已經更改了您的導航方式,在比利時,荷蘭,德國,瑞士和奧地利,我們會顯示更多的充電選項。選擇觸摸屏右下方的充電符號,向下滾動並選擇Supercharger,Destination Charger或Public Charger公用充電站,將會添加到您的路線中。” Tesla此舉是因為Tesla歐洲車輛採用CCS標準之後的改善,讓歐洲車主更方便使用Tesla以外的充電站。歐洲Tesla還跟車提供轉接器。 不過,在美國和加拿大就未跟啦。 圖片及資料來源: https://electrek.co/2020/02/14/tesla-add-third-party-charging-stations-car-navigation/

Tesla贏什麼?

電動汽車市場戰雲密佈,越來越多牌子加入,即使傳統大廠Jaguar,Mercedes-Benz及保時捷,但都未能動搖Tesla市場領導地位,其實佢嬴係邊?兩個字:電池。 得電池得天下! Tesla今日在電動汽車市場上能在群雄中名列前茅,這主要歸功於它們的效率和續航能力,而這正正係歸功於Tesla的電池技術。Tesla經歷過高低,但公司對電池投入的資源和堅持沒變: 建造Giga Nevada來專門生產Model 3電池,收購如Maxwell Technologies和Hibar Systems幾家可以進一步改善其電池的公司,甚至希望生產自己的電池。而這個優勢令其他經驗豐富的汽車製造商暫時無法取勝。 講D例子: 個案1:保時捷Taycan 出色的高性能外型滿分應該可以擊敗Model S,但200英里EPA範圍是致命弱點,因為保時捷Taycan用的是現成電池,表現受限制。 個案 2: 奔馳EQC 奔馳要將EQC的2020年生產目標減半,原因是奔馳無法確保足夠的電池電量。 由成立以來一直是特斯拉的合作夥伴的松下Panasonic,到Tesla與Giga Shanghai的合作夥伴CATL,都是Tesla為確保車輛同產品有足夠的電池,所投入的巨大資源及長久準備 ,見證Tesla 的遠見是正確,亦是其他對手不能勝過的關鍵,或者亦係曾計劃加入戰團的Dyson和Aston Martin最終放棄的原因。 圖片來源: porsche.com; mercedes-benz.com;  Tesla.com 資料來源: https://www.teslarati.com/tesla-batteries-vertical-integration-proven-right

Tesla新出防彈Tee?

今日bolt仔要分享如何完美示範擁抱失敗 ! 記得11月Tesla創辦人馬斯克(Elon Musk)在展示會介紹新車Cybertruck時出現意,外的超尷尬場面,號稱非常堅固、能夠防子彈的車窗玻璃,在馬斯克示範時輕易地被鋼珠兩度擊裂,當時馬斯克神情非常的尷尬,令台下觀眾哈哈大笑。 估不到馬斯克非常有幽默感。事隔2個月,Tesla在官網出售的一件新T恤叫\"Cybertruck防子彈T恤\",印著當日Cybertruck車窗的碎裂圖像,背面是Cybertruck的logo。 馬斯克在Twitter透露這件恤時說: \"T恤防彈又令你好迷人!\" 這件100%純棉T恤售價US$45,大受歡迎,美國官網係都係啱啱補返貨齊碼咋!! 而示範失敗的Cybertruck亦無受碎裂玻璃影響,展示會後5日內已火速收到250,000部訂單,難怪馬斯克咁大方幽自己一默啦!! 資料及圖片來源: Tesla

Tesla Model 3 撞撃安全測試[有片]

車除左外型同價格,安全性都係好緊要。 大家都知Tesla因為係電動,所以車頭係吉嘅無引擎。咁如果架車正面撞擊,你估前座會安全D定係唔會食晒衝擊力摺埋呢? 歐盟新車安全評鑑協會(European New Car Assessment Programme,簡稱EuroNCAP)是歐洲聯盟所實施的汽車安全撞擊測試評鑑組織,佢哋同美國公路安全保險協會(Insurance Institute for Highway Safety,簡稱IIHS)都用Tesla Model 3 做了各項安全測試,其中EuroNCAP個正面偏移碰撞測試係點? 結果即刻去片! 來源: Business Insider (https://youtu.be/il2jmMRgFV8) 影片中Tesla車頭雖然摺哂,但司機及前座乘客假人保持完整,即是安全受到保護,所以EuroNCAP給予5分! 另外,Model 3在“安全輔助”類別的測試亦得到達94%評分,自動為行人和騎單車的人停車,並糾正不專注的駕駛行為。在緊急車道保持測試中,當汽車越過白線指示駛向逆線的車道。系統會進行干預,將汽車自動拉回車道。 除此,IIHS也對Model 3駕駛員輔助系統,包括自動緊急制動系統進行測試,能否在可以檢測障礙物後自行停止汽車。 介紹返,IIHS是美國一家由汽車保險公司資助的非盈利性第三方機構,也因為非官方身份,撞擊測試的車輛是直接購入,而非由車廠自行提供,分級也更為嚴苛,所以地位極其重要,是美國的安全測試權威。 IIHS使Model 3以12 mph和25 mph的速度駛向停止的障礙物。 該車在兩次碰撞時都能自動停車,因此在防止前撞方面獲得了卓越評價。 總結: Model 3獲得了IIHS和其他安全組織的最高評價,安全性出色,不過持平D講,其實Model是眾多具有出色安全等級的車輛之一。 奔馳C-class和凌志ES 350係每個類別中都獲得最高分,而另一款電動汽車奧迪e-tron也獲得了IIHS的最高安全獎。氫能汽車,即現代Nexo SUV,亦獲得了與Model 3相當的結果。 總之老土D講,大家小心駕駛就最平安! 資料來源: https://www.businessinsider.com/why-tesla-model-3-received-5-star-crash-test-rating-2019-10