LOADING CLOSE

Bolthk

[有片s]Tesla馬斯克都要專程飛去睇嘅車系

介紹返。話說9月Tesla 嘅CEO 馬斯克 (Elon Musk) 快閃3日飛去左德國,Bloomberg爆料話佢去左同一個競爭對手嘅CEO會面,仲試揸呢個新EV車系. 兩大車廠話事人見面指定動作: Selfie 呢個EV車系暫時係香港同美國都未有,佢唔係高性能跑車,但備受Tesla教主及各界關注.因為呢個系列係車廠為未來在電動車市場全新開發品牌,CP值高,定位以大眾能負擔「親民價」為目標,系列新車 ID 3 係9月啱啱係歐洲新鮮落地,十月又公布另一款新車ID4細節及預售價。來勢洶洶嘅就係Volkswagen (大眾汽車 )全電動全新ID 系列, 得到Tesla 教主咁賞識,VW (大眾汽車)唔客氣係Twitter 發佈當日馬斯克試車片段,當正Tesla CEO 免費為ID 車系代言 !  片段中馬斯克同大眾汽車 CEO 迪斯(Herbert Diess)會面, 不單試揸ID.3 ,仲優先檢視明年年交付嘅SUV跨界車ID.4。 片刻來源: Tesla S3XY-News https://www.facebook.com/s3xynews/videos/1691347211020610/ ID 3 只在歐洲發售,算係VW 測試市場反應 ! ID 車系 點解ID車被高度注目 ? 因為佢用大眾汽車廠的靈活模塊平台MEB架構為基礎,定位為「可負擔得起的電動車」,係VW車廠對全電動車未來發展的重大藍圖,計劃會以ID推出不同車款,吸引汽油車車主以大眾化價格成為EV車主,預期2025年已可達年產量150萬架電動車,中國市場佔整體6成銷量左右。 ID 4 PRO 跨界SUV車 真正全球大量開售 ID 4 有馬斯克加持, Bolt仔梗係要分享下新個架 - ID第二代ID.4。  ID.4係現時美國最受歡迎的車款- 即跨界SUV車,9月23日在美國在線發佈預售,反應超好 !! 第一版當日開售8小時內已完全沽清!! https://twitter.com/i/status/1309243126612209669 版本 ID.4 1st Edition ,  ID.4 Pro  , ID4 ...

車廠最痛靠一技K.O.! 不過…..

四款車,四個車廠,不同國藉遇上同一情況 ! 車廠最頭痛最怕嘅情況 ! 唔係有車賣唔出,係賣咗都要收返 ! 最近EV界好黑仔,接連出問題要產品回收,好似本來6月一出個勢好好嘅Polestar 2,軟件故障可能導致汽行駛中斷電而全部收回 ; 韓國Hyundai Kona 電動車2019-2020的美加版 ; 甚至BMW 2020-2021混能車,都因電池問題要大規模回收,真係慘慘豬! 本來銷售反應好好的 Polestar 2 因軟件問題回收更正 唔好以為Tesla 無份,其實新到連香港都未有嘅Model Y 都中招 ! 有二千幾部受影響咁多,但全部唔洗返廠無車主投訴 ! 唔通全部係Elon Musk 死忠粉絲? 是咁的。 根據最新美國國家公路交通安全管理局(NHTSA)發出回收通告,有2567架受影響的Tesla Model Y 電動車輛,加咗自選拖車功能 (Tow package),因軟件錯誤可能令拖車製動燈失效唔着燈。有機會觸犯聯邦機動車安全標準(FMVSS)編號108條例,所以發出回收通告。 Tesla CEO Elon Musk 及 Model Y 同樣係軟件錯誤,但Tesla完全唔洗好似其他牌子要大規模收回廠,因為Tesla聲稱已通過空中更新(Over-the-air)解決咗這個問題。根據產品回收通告所講,Tesla已將把問題通知車主,而且已於2020年9月23日用OTA發布咗固件更新,問題即時K.O.咗。 換句話講,本來需要回收不符合聯邦法規的回收問題,無需返廠而完全解決。就好似《復仇者3》Thanos手指一彈,得咗 !     OTA (空中更新)一直係Tesla領先市場的強項,多年來,一直通過OTA軟件更新解決問題。Tesla亦運用OTA在其他幾方面對車輛進行了重大安全升級。 以2018年為例,當時美國權威消費者組織《消費者報告 Consumer Report》發現Model 3的製動距離比福特Ford F-150的製動距離差,當時佢啱啱推出市場㗎Model 3 係大危機,點知Tesla CEO馬斯克(Elon Musk)幾日後,便利用OTA空中更新解決問題。根據CR的測試,制動距離增加了6米 (19尺)。 當時呢個方法真係一個破天方:車主乜都唔使做,架車會自動下載代碼,而且即刻更安全 ! 當時分析師稱為 「聞所未聞」。Jake Fisher CR’汽車測試主管 (亦係最初舉報Model ...

[開箱+拆解+實測片] 全球最平嘅3門電動車

今日係開箱片 ! 療癒值十分!!  最啱今日終於掛8號但要WFH嘅你睇!! 話說疫情後全世界都網購上癮,有個美國人 Jason Torchinsky 同我亞媽一樣,見到平野忍唔住買來玩下,佢買咗架新EV價值US $930,無睇錯 ! 佢係阿里巴巴淘咗架全新3門電動車,而且仲係訂製架 ! 1. 開箱片 https://youtu.be/qxl_vgYP3Rg 睇Jason開箱先嚟落雨,都阻唔到佢,呢D係男人的浪漫 !! 佢開心到一點,真係療癒 ! 呢架Changli Nemeca 常力3門電動車,在阿里巴巴車價US $930 (港幣 $7207.5),連電池價US $1200 (港幣 $9,292.25),當然唔包郵啦 ! 落單15日發貨,Jason 個架寄去美國仲跟埋美國插頭充電charger ! 而且仲有螺絲批套裝,後備車呔同後備左右側鏡 ! 究竟係山寨價膠車定係筍車? Jason 叫埋佢Buddy拆解下架車得唔得: 2. 拆解片 https://youtu.be/kJk30Kj5jCA?t=2 抵成咁行唔行得先 ? Jason仲揸去賽車場拍埋試車片你睇 !  無野講 ! 完 ! 3.  實測片 https://youtu.be/wd6YWOW6fYI 買車連結: 阿里巴巴 片段來源: Jalopnik@youtube 圖片及資料來源: Jason Torchinsky@Jalopnik.com

[有片]可以打橫行的電動卡車

Pick up car 卡車又叫做農夫車,係北美市場最受歡迎,因為車廂座位夠寬敞,車尾開放式尾斗方便運載大型物品。 係香港,pick up卡車以前多數用途係建築工程界用車,但近年Pickup卡車在另類休閒車市場人氣急升,愛戶外活動的玩家買作多用途越野四驅車用,貪佢方便裝户外「玩具」攀山涉水。 Bolt仔share得當然唔係普通pick-up car品牌,呢個曾經係pick up車界主場-美國最COOL嘅icon,大隻佬亞諾舒華辛力加至愛,美軍打波斯灣專用嘅 品牌- Hummer。 Hummer EV SUT Hummer 卡車一直形象係肌肉型食油大怪獸,2010停產十年後通用汽車 (General Motor)竟然以「環保、全電動、零排放」全新推出Hummer (悍馬) 品牌作為電動卡車系,真係估你唔到 !  而且Hummer EV 系列將率先推出全球首架全電動超級卡車(EV SUT ) - 即傳統pick-up四門四座加尾斗,以及SUV版 (無尾斗)。 Hummer EV SUV 版 GM今日剛剛公布Hummer即將在十月廿日美國預售,明年年底上市。到目前為止所知有關Hummer EV資料 : Hummer將配備通用汽車的第二代高級駕駛輔助系統Super Cruise,以高清地圖和車內監控達至真正的免提駕駛,而且具自動換道功能 採用新型供電模塊“Ultium”電動車平台 採用的電池組最多可擴展到200kwH 超過1,000馬力(745千瓦) 高達11,500磅-英尺的車軸扭矩 速度由0至97公里/小時只需3.0秒 具有350kWh的快速充電能力 續航里程可達644公里。 「蟹行模式」!? 車廠發圖「蟹行Hummer EV」 Hummer 配置勁係當然啦,但竟然有革新嘅「蟹行模式」咁好玩,可以同時旋轉所有四個車輪,令卡車幾乎可以向對角線行駛,即係好似蟹咁打橫行 ! (啱晒香港窄路泊車喎 !! )。通用汽車暫時只係放呢條片引大家,詳細情況要等展示會,但已引起一眾車迷關注。 車內部未有圖 , 但肯定有無敵天窗 先睇下官方片段  (來源: GMC官方頻道 ...

「Taxi電動化普及」要靠Tesla 7年前開發但唔受歡迎嘅方法 ?

電動車未能完全替代傳統汽車嘅原因之一,係充電時間較長,無論快充點快,都快唔過入油 !  但如果唔洗車主自己充電,可以好似手機咁換電呢 ? 電池交換服務就係可以將充電過程由數小時縮短至幾分鐘。司機只需要將裝有可更換電池的電動車開到電池交換站,3分鐘內就可替換為充滿電嘅電池。 更換電池服務最初由美國開發。2013年,Elon Musk在Model S上首次展示Tesla 的電池交換技術,但兩年後,計劃未能普及。在Tesla邀請試用該服務的200位Model S用家中,只有4至5位有興趣。顯然,車主唔buy 。點解 ? 因為美國係屋企車房充電好方便,無需要比你換我個電池。 但係在另一電動車市場,情況就好唔同。 EV充電站 vs EV換電站 為改善空氣減排,中國的一線城市已逐步取代燃油車的士為電動車,在深圳9成的士都係電動,而上海及北京亦開始的士電動化目標,所以商用電動車用家多,而職業司機對充電時間最緊張,時間就係錢,一位受訪位的北京的士司機講,通常充爆電要停車一個半小時。但用電池交換服務只需要幾分鐘,慳好多時間,可以開多幾轉車。無錯! 電池交換的最大優勢係方便同快 ! 更換電池服務,同汽車入油用嘅時候差唔多。而且可以降低電動車成本,因為電動車最貴的部分- 電池變為可以共享。   中國最大的純電動汽車製造商北京電動汽車營銷有限公司(BJEV),在中國19個城市經營206個電池交換站。交換站站外表似洗車中心,主要為自家公司旗下的出租車隊服務。 而BJEV的競爭對手NIO,亦是EV製造商,更為買NIO旗下新電動車的車主提供 \"終生免費\" 的電池更換服務。根據NIO的數據,截至7月底,其客戶中有50%使用佢嘅電池交換服務。 NIO ES6用家Maggie Chen就係道出用家心聲:  “本來,我買新車的第一個月都唔願意用更換電池服務。 因為那是新的!\" 但很快,交換電池的便利令用家加入換電行列。“我可以在手機Apps搵最近電池交換站,及預約。我現在幾乎無再自己充電啦。” NIO於2018年5月建立首個電池交換站。每個站都有五個可交換電池的車位。NIO Power宣稱,截至7月底,NIO已交換了700,000多個電池。 NIO電池更換站   中國是全球最大的電動汽車市場,有310萬輛電動車在使用中。作為“中國製造2025”計劃的一部分,全球第二大經濟體誓言要成為新能源汽車(NEV)的全球領導者,新能源汽車還包括插電式混合動力汽車和氫燃料電池汽車。目標是到2025年新能源汽車佔其汽車總銷量五分之一。中國一直在推動新能源汽車的發展。今年3月,中國將購買新能源汽車的補貼期限延長至2022年。根據數據,中國有全球最大的電動汽車充電基礎設施,全國擁有1410萬個充電站。 不過,電池更換距離普及還好遠。截至6月,全中國的452個電池交換站中,有40%位於北京,其餘地區位於經濟較強的東部沿海地區。 NIO在中國的電池交換站全國分佈141個點。/ CGTN 成本是企業面臨的最大挑戰。以色列電動汽車技術公司Better Place的CEO曾表示,電池交換站的建造成本為50萬美元,而在中國建造電池交換站的成本幾乎相同。而Better Place在2013年破產。 根據央視數據,一個BJEV電池交換站每日要有400塊電池,要達到收支平衡必須至少完成200塊。與BJEV合作提供電池交換服務的Aulton總經理表示,受訪問嘅服務站每日僅有150至160次換電,電池站尚未有盈利。 另一問題係電池未有標準化,提供電池交換服務的中國四大主要電動汽車製造商各有不同的電池型號,車主只可以在自己品牌的車站更換電池,令換電站限制大。 而電池技術亦持續有突破,型號多而充電時間不斷縮短,而且續航力不斷有延長,所以電池交換站能否真正在中國普及發展成功 ? 有待觀察! 資料及圖片來源:  王天宇/ CGTN  https://news.cgtn.com/news/2020-08-16/EV-battery-swapping-finds-new-life-in-China-SWZQhFZoEE/index.html

免費!免費!免費! 「日產零排放互動體驗館 (Nissan Pavilion)」

大家都好耐無得飛啦,如果開返關,想去邊 ? Bolt仔首選一定係日本,今日Bolt仔想同大家介紹全新的日本打卡新地標  - 有機打、有shows睇、有野食、有打卡位 -「日產技術互動體驗館 (Nissan Pavilion)」。重點係而且完全免費 ! 佔地10,000平方米的「日產技術互動體驗館 (Nissan Pavilion)」,位於日產橫濱全球總部附近,原本係配合2020東京奧運會,為參觀奧運會的全球遊客展示日產在電動領域的先進技術,及未來零排放出行的生活理念。雖然東京奧運因疫情影響而延期一年舉辦,但日產互動體驗館如期完成,並且已在8月1日起對公眾開放。 日產互動體驗館是展現最新的技術及未來展望,以零排放清潔能源的高標準運作,裝配太陽能電池板,並提供可再生水力發電系統。 未入去場館,已經有個Mobility Hub,提供了各種服務,包括電動車及單車共享,由日產汽車和當地社區提供,處處展現與人及地區連繫互動。 入到展館,𥚃面收集了大量電動汽車產品,技術及系統,包括最矚目的Formula E方程式賽車,及日產最新的EV車系Ariya。參觀者可以透過虛擬體驗,感受到Formula E超級賽車的極速快感。 或者坐最新2021投產的Nissan Ariya 純電動跨界SUV兜風,呢部有錢都未有得買的Ariya純電動車以數字化呈現,可以比參觀者零距離接觸,互動體驗由虛擬投射技術構建起一個關於Ariya的互動展台,好玩。 體驗館仲比你體驗多項日產的先進技術,其中包括:ProPILOT 智控領航技術、Invisible-to-Visible (I2V)看不見的可見技術,結合來自現實世界和虛擬世界的信息來為駕駛員提供幫助。 在Pavilion劇院,亦可以同網球大滿貫冠軍日裔球星-Naomi Osaka進行虛擬網球比賽,體驗「Invisible to Visible 看不見的可見(I2V)」技術,大人或小朋友都啱玩。 另一重點係介紹日產汽車儲能系統(Nissan Energy)。呢個係能夠讓電動車與社會融合的技術,好似之前Bolt仔都有介紹過,日產跟日本地方政府合作,係自然災害發生停電時,日產電動車LEAF可以用作提供能量的移動電池。 呢個正係實踐「日產智行(Nissan Intelligent Mobility)」所帶來的革新,以及如何通過技術改變車輛驅動、駕駛以及與社會間的全新融合方式。 想睇返更多「日產智行」介紹:  日本「2020最佳抗逆獎」比日產電動車Leaf? 點解呢?點解呢? 在展館,由「日產智行」概念衍生的創新項目之一係創新的支付系統。如果你揸架電動車到體驗館,你可以用架車嘅電來比停車場泊車費,無錯,係你架EV車供電比場館用可以付費。呢D就係「日產智行」理念下人、車及社區的互動。 場館內的日產Chaya Cafe茶屋咖啡室開餐,亦使用日產LEAF電動車及太陽能供電。這種互動擴大電動汽車用途。正係展示Nissan Energy Share和Nissan Energy Storage技術可以存儲,共享和重新利用EV電池的電力,通過為家庭或企業供電。 日產首席CEO 內田誠說:“隨著世界向電動汽車轉變,電動汽車將以不僅僅是交通運輸的方式融入社會。” 展館公眾開放期由即日至10月23日。 而家無得飛唔緊要,日產官網亦貼心地提供了「Vitrtual- tour 線上虛擬參觀」。等Bolt仔即刻開個日版杯麺,冲個日本綠茶,一邊click呢條link :  https://www.thenissannext.com/en/virtual-tour.html 圖片及資料來源:  Nissan;  KK news, 壹讀/READ01.COM,  

[有片]中六合彩都買唔得起嘅Bugatti出超平入門版

Bugatti汽車閒閒地幾千萬一架,係「幾」唔係「一」,Bugatti亦係全球史上最貴新車紀錄保持者,Bugatti「La Voiture Noire」在2019年以高達1.51 億港元(1,670萬歐元 ) 賣出 !!!  最近,Bugatti 推出一部全新電動車只係30,000歐元起,即係Nissan Leaf一換一個車價就買到,絕對係揸得果D唔係模型車。   講下配備先,使用電動機為後輪提供動力,買家可以選擇三種版本 : 基本版採用1.4kwh時鋰離子電池組和復合車身。 Vitesse版的功率為2.8kwh,碳纖維車身和升級的動力總成。 Pur Sangle版採用人手手工成型的鋁製車身,動力同Vitesse一樣。 基本版本具有5.8HP專家模式,最高速度為30MPH。電池2.8kWh可產生13.4HP。同Bugatti Chiron系列一樣,Vitesse同Pur Sang版有Speed Key (速度鍵),可釋放電動機的全部13.4馬力並取消限速器,從而使最高速度為42 mpg,0-60 kph(根據布加迪的說法,0-37英里/小時)的運行時長為6.0秒。基本版有兩種駕駛模式:新手1.3 hp,最高時速12 mph;專家5.4 hp,最高時速30 mph。續航在24到50公里之間..........你係咪以為Bolt仔打錯字,點解速度咁低好似玩具嘅,YES!  呢架其實係Bugatti 真係設計比小朋友揸嘅電動車,亦係比富豪係疫情下悶悶地係屋企個大花園行下。   呢架名為了Baby II 的Bugatti全電動車,其實係品牌成立了110週年的特別禮物,靈感來自公司創始人Ettore Bugatti, 於1926年以品牌最成功的世界賽車冠軍車Type 35 Lyon Grand Prix 為年幼仔仔Roland建造半尺的複製品,名為Baby ! 當時好多客要求購買,當年就生產咗500架。 Bugatti Baby 第一代 1924年創辦人做比個仔     今年品牌110歲生日,再以品牌Type 35外型的3 : 4比例製造Baby II,大小足夠許多歐洲成年人開車,而且有好多功能和高端配置,顯然係富豪玩具。Bugatti Baby II 數量同樣限定500架,分2 款 : 標準型號價格30,000歐元,而鋁殼的Pur Sang價格為58,000歐元。 呢個價格足夠買一架功能強大的full size電動車。但係,一架Bugatti Chiron係幾千萬喎 !!!! ...

[有片]Sony電動車Vision-S東京體驗

Bolt仔曾經分享過,今年消費電子展 CES(Consumer Electronics Show)大展上Sony的驚喜發表 : Sony首款電動車 - Vision-S,當時令一眾機迷車迷興奮十分,雖然是概念車,而且是首次涉足車界,但配置及娛樂系統超華麗強大,絕對係集合SONY所有最好的技術 : 各種傳感器技術,信息娛樂技術,AR,全息術,空間識別技術,音頻技術等。 車內外共搭載了33組多重不同的感測器,用以執行完備的Level 2 自動駕駛技術。車室採用360環繞音響,前後座也裝配了多組寬螢幕顯示器,不只整合車載娛樂系統,也會持續更新資訊系統。 想睇番Vision-S 詳細介紹: Gran Turismo真實版!Sony出車!(有片)  不過正當大家激讚Vision S 的細緻,Vision-S 企劃負責人 Izumi Kawanishi 就反高潮對日本媒體話,SONY暫時未有打算進軍電動車市場。架車係只係用來幫助發展比EV車內配置 ! 「除非嘗試,否則我不知道」 「即使只製造傳感器,也看不到汽車是什麼。只有當我們嘗試製造一輛汽車時,我們才能理解汽車。這樣,我們將能夠了解如何利用我們擅長的東西。」 即係為咗設計好嘅女裝,要先變成女人 !  日本人真係好野 !!   可以車上四人同步Gran Turismo?? 雖然係咁,SONY Vision-S 絕非普通概念車,Sony在7月在東京總部大樓舉行第一次新聞界體驗會。除咗聽介紹,部份記者仲可以親身上車體驗,清水和夫係其中一位,佢嘅親身體驗片段 (Source: StartYourEnginesX@youtube)。 即按連結睇片:  https://youtu.be/uTWlmQppHX8  記住按中文字幕 儘管無計劃將Vision S投放市場,但Sony 已準備在東京進行“公路測試”,而且Vision S亦會亦再有改良版。相信Vision -S 消息會持續更新 官網片段 https://www.youtube.com/watch?v=qiw0sCNP8ck 資料圖片及影片來源: Motor1; SONY VISION-S; ...

相隔十年! 可能改變充電制式的日產的全新EV車系

十年前,日產Nissan 首次推出電動車Leaf。有Tesla Model 3之前,Leaf是世界上最暢銷的電動汽車 ,十年內一共出售了475,000部。近年各大汽車製造商都推出不同種類EV,日產都係時候改變下戰略,Ariya就係佢2020年全新的EV系列。 Ariya與掀背車Leaf不同,Ariya採用目前道路上最受歡迎的汽車外形之一,即Model Y 那類緊湊型跨界SUV。Ariva概念車在2019年東京車展上首次亮相的Ariya,7月15日正式推出公布推出市場,Ariya將建立在「雷諾-日產-三菱聯盟」開發的全新的專用電動汽車平台上。 外型 正式亮相的Ariya,配上首次登場的Nissan全新標誌,透過LED達到發光效果。車正面是V-Motion概念演變成的深色盾牌護罩,其signature標記前燈放在側面,隱藏著支援ProPilot Assist 2.0所需的各種傳感器。斜背式的動感輪廓配上20吋的大軚軨充滿未來感。 在車後,Ariya是首款採用液冷電池後蓋的日產EV,電池後蓋有更好的耐久性,性能更快的充電速度。電池將提供65kWh和90kWh 兩種選擇  (實際可用量為63kWh和87kWh)。 配備 Ariya將提供兩種版本選擇:單個版或兩個電動機。與 Tesla model Y及Ford Mach-E不同,單個版的電動機位置不是在後軸而在前軸。車前部亦包裝了很多組件,意味著Ariya不會有前置行李箱。 前輪驅動的Ariya將提供160kW的功率,而雙電機全輪驅動版本將達到290kW的峰值,輸出388匹的馬力,0-100 km/h 只需 5.1 秒,遠遠超出了Leaf所提供的任何功能。日產預計,憑藉大型電池和前輪驅動裝置,在美國EPA測試週期中,Ariya的續航里程可達 430 公里(單個版)及 610 公里(雙個版)。遠遠超過了當前任何歐洲品牌電動車所能達到的水平。 充電標準 日產的另一大變化,是由CHAdeMO DC快速充電標準轉換為CCS (組合充電標準)。 介紹返,CHAdeMO標準最初是在日本開發,實際上採用的,只有日本汽車製造商三菱和日產。雖然北美有3,300多個有CHAdeMO連接器的充電站,但CCS和Tesla專有的Supercharger網絡正在以更快的速度增長。CCS現在還支持最高350 kW的充電率。Ariya將支援高達130千瓦的直流快速充電,比當前Leaf Plus支援的速度快30%。 內部 Ariya採用類似於Tesla的極簡約儀表板概念。與Model 3和Model Y不同,Ariya具備兩個12.3吋顯示屏 : 一個是觸摸屏,而另一個則是儀表板,直接置於駕駛員前面。在中央顯示屏下方,嵌入在表面的氣候控制裝置由木面下方照亮。只要車輛處於開啟狀態,這些控件就保持點亮狀態。而觸摸面板時,指示燈號便會亮起並提供震動效果作為觸發提示,使用感覺更好。 另一升級是內置的新型混合個人助理包括雲端連接,可在不可用連接的時候對命令進行語言指令處理。日產助手增加了亞馬遜 Alexa語音服務可提供其他功能,包括您可以使用Echo設備執行的任何操作。 手機無線充電位   Ariya也是第一款具有OTA (over-the-air) 空中軟件更新功能的日產汽車,在過去八年中Tesla獨家擁有這種巧能後,許多製造商都已經推出了。OTA的增設可能是Ariya成為第一款日產車在日本以外地區獲得ProPilot Assist 2.0(PPA2)的因素。   PPA2於2019年底在日本市場Skyline轎車上推出,並在很大程度上複製了GM汽車的Super Cruise半自動系統以及Ford即將推出的Active Drive Assist的功能。除了具備基本的主動跟車功能,在高速公路上行駛時可進行自動切換車道,該系統可實現免人手操作 ( 目前的ProPilot仍需要用手操作)。像其他系統一樣,PPA2配備紅外駕駛員監視攝像頭,以確保駕駛員保持警覺並在需要時隨時取回控制權。    為配合PPA2導航系統,Ariya一共有7個cam(包括三焦點前置攝影鏡頭系統和4台環繞攝影機),5台雷達和12個超聲波傳感器。 2022日產Ariya三焦點前置攝像頭,用於ProPilot Assist 2.0   Ariya將在2021年中在日本開始銷售,美國將在明年年底之前。詳細價格尚未公佈,但基本價格應該在40,000美元左右。 Nissan官方片段: https://www.youtube.com/watch?v=g3jVyHI8O84 資料及圖片來源: Nissan,  Forbes ;  Cature.com.tw  

第3波來襲! 車主安全checklist

當大家開始鬆懈左,這幾日COVID-19突然激增,第3波又來 !  而且更凶狠,大家要好好戒備,特別係架車 ! 而家無論你幾耐用一次車,使用後都要清潔和消毒。等Bolt仔今日提下你 - 車主安全消毒checklist: 清潔消毒位置: 擦拭經常觸摸的表面,包括軚盤,觸摸屏,汽車開關和打燈桿 門把手,車尾箱把手,電動車窗控制位,扶手,後鏡,杯托 座椅 冷氣通風口,地墊和車尾箱 安全帶和閂鎖 車鑰  (可能係最少清潔但摸得最多) 清潔用品: 有些清潔劑不應該用在車廂內 :包括漂白劑,過氧化氫,天拿水,稀釋劑或其他刺激性和研磨性的清潔劑。可以參考下日產汽車的建議: 酒精 (最少70%)+ 超細纖維擦拭布 中性肥皂+ 水 : 安全帶及皮座椅或其他皮位都可以用酒精,但用得多會拭走保護層引至龜裂或甩色,可以用少量肥皂+水或皮專用清潔膏拭走污漬 車內常備: 拭手液:請使用至少含60%酒精的拭手液。 消毒濕紙巾或噴霧劑:用來擦拭儀表板和車門面板等汽車表面,非常有用。 載客開車注意: 如果您要載客,唔洗講,所有乘客在車上戴口罩,但最重要係,“Recirculate” 掣 !          Tesla X 的 Recirculate mode 空氣循環模式 (中) 及 Bioweapon Defense mode 生化武器防禦模式 (右) 載人就想清楚先好用!!! 按這個“Recirculate” 掣,車只會循環車內空氣,可以隔絕外面癈氣,當開住冷氣時架車更涼快 ! 一個人揸車梗係無問題。但如果您要載客,現在非常時期,大家都唔知自己有無事,保持車輛通風就好重要!!! 你載其他人就儘量打開窗,不過香港太熱,唔開冷氣可能未傳染先熱死!  咁你一定要要記住唔好. 唔好. 唔好. 開“Recirculate” 掣!!  確保架車唔會只循環車內空氣。 疫情之前,許多人無定期對汽車進行清潔和消毒。Expedia的一項研究發現,接受問卷調查中有三分一人每年僅清潔汽車一次。軚盤上的細菌是公共馬桶廁板的四倍 !! 為自己同家人,無得偷懶,做野啦。Bolt仔祝各車主平安 ! 抗疫成功 ! 圖片及資料來源: Nissan, Teslarati, ...