LOADING CLOSE

Bolt

[果迷注意]傳說中嘅Apple Car最新消息!!

多年來,一直有個從來未經官方證實嘅傳說:蘋果想出電動汽車,仲成立secret team叫 \"Project Titan\" 負責。但傳咗6年,市場已越來越多EV,但Apple Car連車轆都未見過,終於大家都淡忘。 不過呢個project 似乎已經復活,因為呢幾日傳聞滿天飛,好似台灣《經濟日報》爆料,蘋果汽車係2021年第三季將會公布,甚至話台灣供應商已準備明年第二季開始生產蘋果汽車組件,另外 Apple 知名分析師郭明錤引述一家台灣主要製造商講,預計蘋果車2021年9月上市 ! 呢個似乎就急進咗少少。bolt仔覺得《路透社》嘅報道比較接近啲。星期日路透社報導,科技巨頭Apple正考慮目標發布日期。據熟悉內情嘅內部消息人士講,蘋果汽車項目將會係全電動私家車,配備自動駕駛技術,同突破性嘅新電池。  Apple出電動車嘅小道消息經常都有,自2014年以來,一直消息話Apple計劃出電動車,而且想由頭到尾自家設計,不過似乎太多阻滯,最終蘋果解雇咗Project Titan中200名員工,將目標退後一步,專注於車載軟件上,呢個Apple Car嘅幻想先被睇淡。 到2018年,副總裁Doug Field由Tesla 再回巢Apple,佢5年嘅電動車廠經驗令Project Titan嘅希望就變得樂觀起來。  根據路透社消息,蘋果汽車由嗰時開始重新取得了進展。今次,呢間科技巨頭將精力集中係可以徹底降低電池成本、同擴大續航里程嘅創新上。消息來源指出,蘋果計劃採用「單體電池」設計,該設計可以令電池中嘅單個電池堆積,以優化包裝內嘅空間。  呢個概念似乎與Tesla車架中4680無耳電極電池(tabless battery)方向非常相似,Apple嘅單芯電池不需要袋裝或模塊,因此可以喺電池組內放置更多活性物質,從而加長汽車續航里程。 至於電池嘅化學性質,據報導,蘋果正在研究使用 Lithium Iron Phosphate 磷酸鐵鋰(LFP)電池,呢種電池密度不如其他類型嘅電池,但不易過熱,所以安全性更高。而且不需要鈷,價格低廉。LFP電池目前用於Tesla 上海Giga廠製造嘅 Model 3 Standard Range Plus。   爆料人士對於AppleCar 咁形容: 「呢個係下一個層次。就好似你第一次睇到iPhone一樣 。」 消息來源指出,Apple新嘅電動汽車項目發布日期暫定為2024年,但可能因疫情延誤或會推遲到2025年甚至更後。  據估計,Apple Car 會配備多個LiDAR激光雷達傳感器,以掃描不同距離,了解周圍區域。除了由外部供應商採購組件外,蘋果仲可能將iPhone 12 Pro及iPad Pro創建嘅LiDAR傳感器重新用於車上。 LiDAR scanner 儘管蘋果係消費技術製造上係領導者,擁有豐富經驗,但汽車行業係完全不同的領域。考慮到呢一點,Apple亦有尋求合作夥伴製造其車架。 一位知情人士講,蘋果曾與麥格納國際(Magna International Inc.)就製造汽車進行談判,麥格納擁有自家EV平台,但由於蘋果嘅計劃變得不明朗,談判未成事。蘋果嘅長期合作夥伴之一富士康,最近亦公佈了自己嘅電動汽車平台計劃。 知情人士講:「為了擁有一個可行的裝配廠,每年需要造100,000輛汽車,並且仲會有更多的產量。」 呢一個數量對汽車初哥嘅蘋果來講會係一個難題。所以消息人士確實指出,蘋果仍然有可能為放棄造車,只係簡單咁走軟件路線,最終可能只會發布自動駕駛解決方案。 所以果迷唔使咁興奮住,Apple Car雖然係近左,但依然太多未知數!! 等iPhone 13 會踏實啲囉!   資料及圖片來源: Reuters, Teslarati, Engadget, Car And Driver, MacRumours

[以1頂9?] Tesla市值=全球九大汽車公司總市值

2020年12月21日,除咗係大家第一次無得出街做冬嘅冬至,仲係Tesla 嘅一個歷史重要時刻,因為呢隻電動車股票正式成為標準普爾500指數,而且仲破紀錄,從未試過有新加入即成為十大成份股,通常都經過好多年,而Tesla嘅股值竟然係一上即排第5位!單係2020年已增加了超過5,000億美元,市值如今已相當於全球九大汽車公司的市值總和 : 包括大眾Volkswagen,豐田Toyota,日產Nissan,現代Hyundai,通用GM,福特Ford,本田Honda,Fiat Chrysler及標致Peugeot !! 唔係「誇張」二字足以形容! 睇返Tesla 十年嘅股市里程: 2010年9月: 加入Russell (羅素)1000指數,每股US$4.40 2013年7月: 達到nasdaq (納斯達克)100的基準,當時股價US$26 2020年12月: 納入S&P標準普爾500指數,每股US$600美元 上市十年內升咗14,000%,只係今年,股價已飆升咗八倍,既然咁勁,點解而家先被納入為標普成份股? 其實標準普爾500指數入場門檻好高,Tesla被納入唔係靠Elon Musk狂熱信徒炒起,係Pang公司真正業績:能加入嘅公司,必須要最新季度收益,以及連續四個季度收益總和係正數,絶不能見紅,即係一定要持續Tesla先囉有盈利,公司先會得到肯定 ! 電動車以前一直俾人覺得係非主流產品,亦有被認為係泡沫,好多初創公司有超勁概念,但能夠投入生產甚至賺到錢嘅唔多?甚至傳統大汽車廠嘅電動車,銷量與成本好多都未能成正比。所以,Tesla雖然股價升得好犀利,都要等到今年先終於達到標普嘅準則,除咗係認同佢嘅成功,亦係對電動車未來嘅肯定。 歷年Tesla每季汽車出貨數量 (單位: 部) Tesla CEO 馬斯克 (Elon Musk)已經成為新一代成功icon,取代Bill Gates 成為全球第二首富。雖然未必個個認同佢嘅作風,但係佢其中一個大家認同嘅成功之處,係親民貼地,唔會高高在上,會經常透過互聯網吸收意見,而且反應迅速。 最近一個例子就係關於\"Full Self-driving service  (FSD)\" 完全駕系統。Tesla嘅全自駕FSD 系統雖然未發展成熟,唔係真正「完全自動」,但呢個自選系統非常昂貴,要加US$10,000先可體驗,(2018年仲係US$6000),價格有加上無落,馬斯克今年較早時更表示,FSD 全面投入運營後,價格將達到100,000美元或更高。 FSD 完全駕系統 (source: electrek@FredericLambert) 咁有網民就喺馬斯克佢Twitter留言問,可唔可以比年費唔啊 ? 我係租車嘅冇理由要嘥錢買FSD㗎!點知馬斯克好快就覆佢話「可以 ! 明年就推出年費計劃!」呢啲就係真正互動,抵佢成為億萬(美金)富翁!如果可以比年費試下體驗,我相信會有更多駕駛者乖乖加入要試! 資料及圖片來源: Financial Times; Twitter,  FoxBusiness, CNBC

[股市熱捧]改變EV未來嘅5種「新電池」

近月股市超熱追捧EV股,呢團火已燒到與EV緊扣嘅電動車電池製造商上,電池係EV心臟,架車行駛里程、充電時間、成本..... 甚至車廂大小都係由電池主導.今年電池經常成上頭版引起熱烈關注,因為技術上有巨大突破,亦直接影響電動車未來 ! 試想下如果EV充一次電可以行駛1600公里,10分鐘內可充爆電,電池可持續100萬英里,你估汽車市場會點變? 今年9月Tesla電池日,馬斯克宣佈因為新電池有重大技術突破,使用壽命長咗,效率更高5倍,大大減低成本,令Tesla承諾,3年內新電池可以令新車價降至美金$2500 !!  於是大家再次注目EV電池上,係咪即刻想入市 ? 做下功課先,今日就來個電池101!  (利申,bolt仔唔係物理出身,如有不足請見怪不怪) 現在式: 鋰離子電池 Lithium Ion batteries 介紹返。目前9成9電動汽車都使用鋰離子電池 Lithium Ion batteries。雖然性能好但好重,充電時間比較長,而且每次充電都會消耗效力。馬斯克(Elon Musk)曾咁講:「電池模塊是電動汽車壽命的主要限制因素。」鋰離子電池可以將Model 3的額定行駛里程定為1百萬英里,但電池使用壽命唔長。 目前世界上超過80%鋰礦床位於中國,亦嚴重依賴鈷,由於原材料稀少所以電池成本昂貴,令車價無法同燃油車比。全球最大的鋰離子電池供應商係上海能源,與汽車性能有關的大多數技術都在中國生產。 未來式:   為咗應對未來EV需求,各大廠甚至國家競爭製造出一種更低價格,更耐用,更高效率又同時保護環境嘅新電池。以下5 款新電池,係最接近可應用係商業上,將會改變汽車界及未來!!   1. 鋰空氣電池 Lithium air batteries 金屬空氣電池已經存在了一段時間。例如助聽器中有鋅空氣鈕形電池,但按比例放大的鋁和鋰空氣化學材料亦對汽車和航空航天業好有幫助希望。具有高能量存儲的輕型電      池的潛力令呢種電池技術大有前途。鋰空氣電池的最大理論比能為3,460 Wh/kg,幾乎是鋰離子的10倍。 NASA研究人員仲一直研究用於飛機的鋰空氣電池。這項技術應該仍有好長發展。 2. 納米技術電池 Nanotech Batteries 幾十年來,納米技術一直好hit,由納米電子學到生物醫學工程,由防彈衣到順滑嘅衫熨斗等各種領域中找有應用。納米材料利用1-100納米大小的顆粒和結構,基本上是分子尺度的一個大小。碳納米結構也顯示出巨大希望。石墨烯是其中最令人興奮嘅一種。 製造商Amprius的陽極為“ 100%矽納米線”,更進一步。聲稱可以達到500 Wh/kg,適合啟用電動飛機。納米材料研究前景廣闊。 3. 鋰硫電池 Lithium sulphur batteries 一種新興技術,與鋰離子電池相比,可以大大提高能量密度。該化學物質的理論最大比能為2567 Wh/kg,而鋰離子最大為350 Wh/kg,相比下潛力驚人。 4. 固態電解質 Solid state electrolytes 開發固態電解質係新興技術研究人員都努力緊嘅項目,今年新聞經常有不同研究所有突破性進展,開發固態電池應該係最快可應用係EV上嘅新電池。 原理係用穩定的結晶或玻璃態固體或聚合物基聚合物代替易燃有機液體,希望呢種固體電解質,夠使用金屬鋰電極來提供更高的輸出電壓並允許增加的能量密度。 Panasonic係研究固態電解質領先者。雖然佢與Tesla在鋰離子製造上係合作夥伴,但又同時Toyota合作開發固態電池。近日豐田宣佈已擁有超過一千項涉及固態電池的專利,明年可以應用在原型車上,預計比用鋰離子電池嘅EV,行駛里程多兩倍,十分鐘內可充滿電。如果成功,將係全球第一! 另一EV大廠日產亦正在開發自己嘅固態電池,但估計要2028至可以用於車上,其實豐田及日產背後都有日本政府支持。日本正組建一個2萬億日元基金,支援「無碳技術」,其中很大一部分將用於支持開發固態電池上。至少有兩家日本主要的礦業和石油公司:三井金作(Mitsui Kinzoku)和出光興產(Idemitsu Kosan),正在建設生產固體電解質的基礎設施,為搶回日本以往在電池上領導地位下重注。 韓國Samsung今年初曾亦發表研究固態電池嘅報告,而宣佈全面EV化嘅氏德國大眾Volkswagen ,亦同樣押注在固態電池,跟美國QuantumScape建立戰略合作夥伴,係12月發表測試結果都好正面,計劃最早在2025年開始生產新電池。另外,台灣富士康亦公布進行研發,呢場新電池競賽已經進入大路。   5. 雙碳電池 Dual carbon batteries 兩個碳電極和一種無毒電解質,能夠從傳統鋰離子中提取更多能量,並且充電速度快20倍,這些鋰離子變體可能是電動汽車的未來。 電池帶來巨大影響,絕對唔係一架EV咁簡單,想像一下由電動單車到電動踏板車,從電動船到電動飛機的嘅一切潛力。消費類電子產品包括智能手機,筆記本電腦,相機等設備都經歷電池壽命巨大改進而令生活完全改變。未來就係電力! 資料圖片來源: youtube.com@Electric Future; Asia Nikkei

[EV競賽]後發先至嘅Big BOSS – Toyota

Toyota一直具備電動車技術,佢有超受歡迎嘅混能車王Prius,又有 RAV4,但全電動車呢 ? 相比其他日本大車廠好似日產,豐田一直滯後,係佛系無信心唔睇好 ? 原來只係時機未到。 豐田全電動車 發展計劃 呢個星期Toyota就發放佢嘅第一部全電動車新消息,而且一係唔做,一嚟就最爆 !! 據《日經亞洲》報導,豐田汽車有望成為第一間推出配備「固態電池」嘅電動車製造商,目標係明年推出原型車。 消息一出,即刻震撼整個汽車行業!豐田果然係Big Boss,一出招就即刻比其他日本汽車製造商遙遙領先。講緊明年就出原型車喎,而家都12月中啦!話說日產都要等2028年先可以對固體電池測試,豐田咁快就掌握新電池技術,真係衝擊整個汽車市場,隨時改寫汽車歷史添。 點解改寫汽車歷史? 目前使用鋰離子電池嘅EV有兩大難題 : 續航里程同埋充電時間長,「固態電池」都會完全K.O. !! 預計使用固態電池驅動嘅EV,將比用鋰離子電池嘅行駛里程多兩倍,並且能夠在短短10分鐘內充滿電。固態電池發展已一段時間,但技術尚未成熟,今年三星,富士康而至大眾VW支持嘅QuantumScape,都發表過佢哋固體固態電池嘅開發研究,正在接近可使用的電池技術,各製造商都競賽部署在電動汽車中。估唔到Toyota就領先全球市場,率先宣布明年可以用於首部純EV,豐田擁有涉及固態電池嘅1,000多項專利. 據稱日本三井礦業冶煉公司為電池製造固體電解質,明年會啟動一個試點設施,將能夠每年生產數十噸固體電解質,足以滿足原型機嘅訂單。目前全球最大的鋰離子電池供應商係上海能源。睇嚟如果被固熊電池技術,將對中國生產商有巨大衝擊。 「BZ」 講完電池,咁車方面呢?Toyota宣布已開發了首款純電動車,根據Autoexpress情報指出,這款車係SUV,尺寸與RAV4相似,可能會以 「BZ」 命名,即「Beyond Zero」的縮寫,也是代表 Toyota 進軍零排放汽車嘅宣示。新電動車的定價將略高於RAV4. 咩㗎首款純電動車將建造喺豐田嘅新的EV平台e-TNGA,正正係同Subaru 廠合作嘅純電動平台,(掃把佬Evoltis 純電動都會使用),並幾個月內會進行預覽。 豐田話e-TNGA設計上可支持多種車型,因為該架構僅固定了少數幾個區域,尤其是前軸和擋風玻璃底座之間的空間。咁樣允許不同寬度、長度、軸距及高度,仲配備前輪,後輪或四輪驅動以及一系列的電池和電動機容量。豐田公司註冊咗某些商標(包括BZ4X和BZ5X)可以輕鬆地安裝在四輪驅動車輛上。 此外,5年內陸續推出嘅EV會有將有一架與鈴木和大發共同開發嘅小型車,一架較細嘅跨界車(暗示是C-HR跨界車的電動版),緊湊型轎車及小型貨車。 Big Boss出手,今次將會真係全世界注目! 明年終於有啲嘢可以期待 ! 資料及圖片來源:  youtube@Kirk Kreifels; Asia Nikkei, Car and driver, Green Car Reports  

[有片]全球第一部免充電嘅EV預售3日沽清!

介紹返,呢個係勵志story。 背景:雖然呢期國際財經版,日日講電動車未來日日煲EV,大細EV股都升到上太空,但其實開發之路十級艱鉅,少D資金都唔夠燒。 Part 1:由EV先驅  -  掙扎 -  失敗.話說...... 2006年: 美國初創公司Aptera Motors創立已研發「破格」EV車款。 2008年:申請美國能源部低息貸款3日被DQ,因為「破格」車款未被定義為汽車。翌年,Tesla獲得能源部4.65億美元的低息貸款 ; Fisker亦獲批5.29億美元 2010年: Aptera設計嘅「車種」被定義為汽車,合資格再次申請能源部低息貸款 2011年9月:美國能源部發布有條件的承諾書,如果Aptera私募籌集到8000萬美元,就提供1.5億美元的貸款 2011年11月:美國能源部拒絕咗一間以塑料基礎設計經濟車嘅貸款申請。即時嚇怕投資者,令Aptera籌募失敗 2011年12月2日:Aptera Motors清盤收場 Part 2: 9年後,敗部復活 清盤後無放棄,Aptera Motors 堅持「破格」路線加上全新獨有技術,2020年12月再推出市場,而且唔係概念車,上星期接受預訂2款新車。3日內沽清。 究竟係乜「破格」車款堅持咁耐又比佢返身?  你無睇錯,呢架電動車係三. 個 . 轆!係三輪電動車 !! 1609公里續航里程 Aptera外形十足一架減咗對翼嘅飛機,兩座位加車尾可放你隻心愛寵物,車身流線而且輕巧,由比鋼堅固許多倍嘅輕質複合物製成,加上獨特動力學車形,所以阻力系數(Cd)非常誇張,只有0.13 !!  比較之下,Tesla Model 3阻力系數為0.23, VW大眾ID 4電動SUV嘅系數為0.28。因為阻力咁細所以好慳電,每英里只消耗100w/小時嘅能量。就係咁,用100.0-kWh電池組,就等於1000英里 (1609公里) 的續航里程!!! 超哂班喎! Never Charge 唔止! 實際上續航里程仲會更長......長!!  因為Aptera仲有另一個獨門秘技:“ Never Charge 技術 ”。Aptera在每架車內置超過3平方米面積嘅太陽能電池板同180個高效太陽能電池,可確保架車嘅電池組一直處於充電狀態。只要揸車個日天晴,太陽能可以每日增加約40英里(64公里)嘅續航里程。如果揀充電板覆蓋埋車頭蓋同車尾版本,仲可以再增加24英里(39公里)。 根據Aptera講,太陽能充電率可以達到每小時五英里的範圍。所以,理論上,根據位置同駕駛習慣,應該唔使插charger充電已經夠用,難怪佢地係全球首部唔使叉電嘅EV。 車廂簡約、冷酷配色,未來電影感十足! Aptera嘅馬力亦絕對唔會輸,雖然車身細細,前輪驅動版由零至60英里時速加速只需5.5秒,而三輪驅動版更只需3.5秒。電池組可選由25.0 kWh(適用於約250英里範圍)到100.0-kWh電池組,最重嘅型號2200磅。如果用DC快速充電,充電速度可以達到每小時500英里嘅續航里程。 Aptera首先推出嘅2款車型: Paradigm和Paradigm Plus型號,仲有多種自選升級,包括例牌嘅Safety Pilot (安全導航)及音響外,仲有各款實用套裝,包括露營配件、越野配件或俾你寶貝寵物坐車專用套裝,係咪即刻好有畫面呢. 車價由25,900美元至46,000美元(定制車輛會更高),12月4日開始預售,訂金只係美元$ 100仲包退,短短3日已賣晒,預計2021年交付。 Aptera 2位CEO Steve Fambro 及 Chris Anthony Part 3: 故事未完..... 希望Aptera 明年順利交車,咁就「真正返身」啦! 有片有真相,睇埋Aptera官方視頻: https://youtu.be/HNjUdTJjiNk https://youtu.be/jbLQ6Z0u_qo 視頻來源:youtube@Aptera Motors 資料及圖片來源: ...

[車魂必睇片]EV創造健力士世界漂移最長紀錄

一講「飄移」兩個字,腦內即刻浮起 「秋名山、拓海、AE86....我要買GT-R! 」係咪好有畫面仲有聲呢 ?大家曾經都幻想過《頭文字D》嘅排水渠掟彎。 今次唔係汽油車,呢個最新健力士世界紀錄係由保時捷最新Taycan全電動跑車造出。 紀錄: 漂移長達42.2公里(26.2英里),長過馬拉松,用55分鐘漂移咗210圈!!  平均時速46公里. 車款: 保時捷Taycan後輪驅動版,即係在中國市場嘅版本,呢架單電機可提供402或469馬力,以及79.2 kWh或93.4 kWh電池 (保時捷未指定係邊個)。 車手: Dennis Retera- 德國保時捷駕駛教練。 地點: 保時捷Hockenheimring體驗中心賽道。 如果曾試過甩尾,你就會知道漂移同失控打轉之間只係一線之差。究竟係點做到 ? 身為Porsche駕駛教練嘅車手Dennis 要關閉駕駛穩定性程序,令滑行容易。 「將我嘅注意力保持係210圈之內,令我非常攰,特別係因為漂移賽道圈嘅瀝青,無法係所有位提供相同抓地力。我專注於通過轉向來控制漂移,比踩油門更有效,並降低了打圈嘅風險。”  Dennis 做到!! 成功完成210圈無失控,直至電耗盡。正如保時捷發言人講:  「漂移非常耗電。」   保時捷體驗中心的200米(656英尺)長漂流車道圈 健力士將漂移定義為“當車輛的從動輪與其地面速度之間存在速度差異時執行”,並由偏航率傳感器和其他儀器檢查呢D參數。 Dennis嘅記錄係電動汽車呢個類別重未有過,所以今次保時捷Taycan基本上奠定咗新基準,寫下電動汽車歷史,標誌著進步及巨大技術飛躍。相信以後會有更多EV試圖打破記錄。 即睇片:  片源: Youtube@porsche https://youtu.be/_LFqR7jAulA 資料及圖片來源:  Porsche newsroom, Engadget; Car&Driver

2年飆升1000巴仙!股價升幅超Tesla嘅EV車廠

今日Tesla被納入標準普爾500指數,而且將成為十大股值之一!!! 唔怪得電動車(EV)企業被看好 ! 疫情以來好大多企業經營艱難,唯獨EV在股市就爆紅被力捧,成為熱門投資。有幾間電動車公司股價升幅更驚人屢創新高,成為財經股界焦點。Tesla十年內暴升10,800%就唔使多講,但股價已過四百美元實在好誇,今日想介紹嘅係另一美市焦點EV企業,係美國上市啱啱2年,股價升幅1000%,股價超越TESLA今年升幅,就係高檔電動汽車製造商「中國Nio蔚來汽車」。(戴返頭盔先,Bolt仔無持有以上提及的公司任何股票) 位於上海嘅Nio成立於2014年11月,屬於中國高端電動汽車市場嘅先驅,目前提供三款高端電動SUV: ES8,ES6和EC6,車價約人民幣37萬元起。 電池更換站 . 車同電池分開買 中國係全球最大電動車市場,但競爭慘烈,今年至少已有三間具規模嘅電動車初創敗走,Nio能脫穎而出一D都唔容易,佢嘅創新思維跳出框框,所以能突圍而出受美國財經界關注。好似Bolt仔曾介紹佢嘅電池更換服務站,呢個構思係2013年美國開發 : 架車駛到換電站,直接幫你換上已充爆嘅電池,過程全自動,只需3分鐘,快過入油 ! 唔洗花時間充電,亦唔需求擔心電池老化問題。 呢個model當年係美國推出反應好差,因為外國多數可以係屋企充電,而且不同車款有不同電池組,令電池更換站成本過高,而且美國地方大要建足夠換電站投資太大,所以慘敗收場。 而Nio情況不同,佢係製造EV同電池廠,所有車款用同款電池,而且同時提供車同電可分開買,令車價可平D,亦提供終身免費電力交換服務,成功吸引的士界使用。而且Nio掌握車主行車數據,所以換電服務站位置訂、及備用電池數量有更精準計算,成本資源運用更好。目前Nio在全中國擁有158個電池更換站覆蓋58個城市,已提供了超過118萬個電池更換服務,使用最多個架車已換電池超過500次 !! >>>>>>>睇多D : 電池更換站post - 「Taxi電動化普及」要靠Tesla 7年前開發但唔受歡迎嘅方法 ?   簡約嘅Nio電池更換站可以整個搬走 電池可買可租 . 電池租用服務(BaaS)  Nio另一獨特創新服務,係消費者可以選擇傳統買車包電池,又或者,淨買車,電池唔買但租用。咁有乜好處?  首先,車價降低了約20%,配合今年8月公布嘅電池租用服務Battery as a Service(BaaS)-   俾客戶訂購汽車電池,而無需預先付費。例如買使用70 kWh電池嘅ES6,包電池價為358,000元人民幣。如果同時使用BaaS租電池,車價立減7萬人仔 !  車主可由NIO和其電池供應商CATL新成立嘅合資企業分別租賃電池。70 kWh電池組月租費人仔980元。 另一好處係車主不必擔心電池容量損失安全性,並且令車主能夠在需要時租用更大嘅電池組,十分靈活,車主亦可以有得揀升級,好彈性 !!  例如租緊70 kWh電池組嘅,要長途旅行,只需支付當月嘅升級電池租金,係月費結束前交換返70WH就得。 新推出100 kWh電池 此外,11月Nio新推出100 kWh電池,新電池具有防傳播及高度集成的設計,全氣候熱力管理以及雙向雲電池管理系統(Battery Management System),另外借助電池到電池組(Cell To Pack)技術,能量密度提高了37%,100kWh電池令Nio的NEDC車輛續航里程可達615公里,高度集成設計使製造效率提高了40%,空間利用率都提高咗19.8%。 即時升級 換電就得 現有所有NIO車型車主:可以揀買或租用  1)  買新電池永遠升級  2) 平D可以租用: 費用人仔880元/月或7,980元/年。所有車主已經可即時預訂,即時升級只要換電唔洗換車。 新買配備100kWh電池嘅NIO車主 : 淨買車即減人民幣128,000元,租電池月租費為人仔1,480元。 Nio EC6 搭載100kWh電池 可買可租 呢種靈活彈性,又比車主以較低費用就可以隨時upgrade,確實慢慢令消費者接受,難怪上月公布比去年出車比同期增長100% ,抵佢兩年股價飆升1000%,價值仲已經超過美國汽車巨頭通用汽車。 資料及圖片來源: the Driven; Forbes; Motor 1.com; Nio news; ...

[Model X大敵]寶馬下一代旗艦500匹EV出場!有埋發布片!

Bolt仔曾經介紹過寶馬下一代EV概念車 \"Vision iNext\",昨日BMW終於正式發布推出實體 - 旗艦電動跨界SUV「BMW iX」。 配置 新款BMW iX是首款採用內置5G技術的豪華車,採用寶馬的第五代電動動力總成,電力電子和模塊設計全部由寶馬內部完成。 iX具有兩台電動機,能夠產生500hp(368kW)!!! 勁過標準BMW M3,唔洗5秒可以由0加速到100 km/h (62mph)。寶馬並未透露iX鋰離子電池大小,但表示每10分鐘充電可以增加75英里,21kWh/100km的功率效率。如果用200kW的快速充電,40分鐘內就將電量由10%充電到80%,11小時內由0%至100%的電量充電。 續航里程更係無得輸,WLTP能達到600公里(372英里)左右,比起Audi e-tron或平治EQC距離還要多100英里,甚至比Tesla Model X Long Range可以行駛的距離還要多。 外形 正如寶馬設計總監所講: 「乾淨,堅固,整體似一塊圓圓的石頭,上面刻有一些小面。」 保險槓和車門的底部邊緣具有類似的黑色裝飾塊,並帶有彩藍色亮點 作為一款電動跨界SUV,iX車頂線較低,滑溜設計加上對保險槓,地板和​​合金輪軨進行各種空氣動力學調整,將iX的續航里程提高。寶馬表示,iX具有X6嘅車頂高度,X7嘅車軩尺寸,車大小與7人車X5相近,但iX只有5座位,而且所以空間好大,仲有全視線車頂。 另外,有許多有趣嘅設計選擇,首先,無引擎蓋。與市場上幾乎所有EV唔同不一樣,車頭無得打開,但大格柵位置暗藏內格, 只要下按BMW圓徽,就可將擋風玻璃清潔液添加在內格,好鬼馬。格柵本身被完全封閉,激光雷達,攝像鏡頭及雷達裝置在柵下半透明面嘅後面。 內觀: 車廂及系統 六角形軚盤,可算係另一個特點。根據寶馬講,六角形令出入車更加容易,同時方便駕駛者睇儀表板顯示屏視線更清楚,係咪真睇怕要實試先知。另一設計突破,係將12.3吋儀錶板同14.9吋信息娛樂系統屏幕合而為一,成為一個傾斜向駕駛者嘅大型彎曲一體式顯示器,仲可以通過觸摸或語音激活控制。 寶馬話,iX車嘅大腦將比以前車型有很大改進。車載計算機將能夠 “處理以前型號的數據量的20倍”。“與以前相比,可以處理來自車輛傳感器的數據量大約可以翻倍,從而可以使用更先進的未來輔助系統。” 最具未來感的EV   酒紅色版本有跑車FEEL 寶馬iX將是首款使用其8.0版操作系統嘅汽車,該操作系統應該更加直觀。用上\"shy tech\" 設計,後排座椅上無隱藏任何控件,但是BMW簡化刪按鈕數量,好似放座位中間的水晶波棍同在桃木上玻璃手掣,會發藍光而且係觸控,真係正到裂開!!   水晶手掣 寶馬在未來幾年內將推出大量新電動汽車。除咗入門級X1 SUV,BMX正在開發5系和7系轎車的全電動版本,以及X3 SUV的全電動版本iX3的生產。 半個世紀前,寶馬在EV化方面被視為領先。但係之後停咗落來。今次証明,寶馬迷漫長等待係無浪費到,iX絕對驚喜,性能完勝,而且設計簡約而細緻,華麗而含蓄,iX將於2021下半年在德國Dingolfing廠投產,值得等。 BMW iX的官方發布  全面介紹     https://youtu.be/HxEhUffJsm0 片段來源: youtube@REC Anything 資料及圖片來源:  The Verge; Ars Technica; Car Wow; BMW group

VW大眾汽車建造: 真’零癈氣綠色度假天堂』

你無睇錯,今日Bolt仔開心share係一個希臘小島,唔係太耐無得飛要發下夢,而係呢個位於愛琴海東南部嘅Astypalaia (阿斯迪帕利亞島)將會成為智慧、可持續發展、無癈氣嘅天堂!  而且係由Volkswagen (大眾汽車集團) 同希臘政府共同打造 ! 碧海、藍天、白雲 = 阿斯迪帕利亞島 Photo fr: Die Chora von Astypalea © Freesurf/stock.adobe.com 德國VW大眾汽車集團主席啱啱同希臘經濟外交部副部長簽署咗一項協議,佢哋會在地中海的Astypalaia 阿斯迪帕利亞島上建立具有突破性的緑色移動系統 (mobility system),作為可持續交通和能源獨立的示範單位。 唔好睇少呢個project,雖然以希臘咁多島嶼來比,Astypalaia 島算細,但其實島面積等於香港島+長州+南丫島咁大,居民就少啲,只有1,334人,但每年遊客都有超過72,000人次。 要係度建立一個無碳無癈氣的全電動嘅社區,VW將部署大約1,000種各種類型嘅電動汽車,由電動踏板車(來自SEAT)到VW全電動ID.3(亦可能係明年推出屬跨界SUV 嘅ID.4 之類嘅 VW旗艦電動車,取代現時在島上約1,500架傳統燃油車。 項目計劃更會為居民及遊客提供全年使用電動共享及車輛共享系統。 唔只係咁,商用車同多功能車也將實現電動化,包括警車,緊急服務運輸車同公共部門車隊,咁先可以全個小島真正全面電動化。 另一重點就梗係電源,計劃係由大眾汽車旗下子公司Elli提供充電網絡,而希臘嘅任務就係發展基礎設施,用帶電池儲能的混合動力系統取代現有的四台柴油發電機,加上可再生電力 ; 如太陽能及風力發電,令Astypalaia島成為「氣候友善嘅移動 climate-friendly mobility 模範小島」。  目前,島上能源需求幾乎完全由化石燃料滿足。希臘希望Astypalaia成為可持續旅遊業的先驅。該項目於明年第一季度開始,計劃於2026年底完成。 希臘經濟外交部副部長聲稱: “ Astypalaia可以而且將成為可持續發展的典範,不僅在國家範圍內,而且在歐洲和全球範圍內。它可以為小社區如何從新解決方案中解決老問題中受益提供榜樣。” 大眾汽車CEO Diess 表示  “政治,商業和社會對限制氣候變化和保護地球上的良好生活條件負有共同的責任和共同利益。其次,氣候保護和無碳機動性並不意味著生活質量的損失。相反,它們使生活更健康,更清潔,更輕鬆,更方便。” 如果香港政府明日大嶼係一個類似咁嘅project,相信支持度即刻UP! UP! UP!   資料及圖片來源: InsideEVs; Balkan Green Energy News; Volkswagen Newsroom

[有片]Hyundai最新EV-買得到!但未必「坐得到」

Bolt仔曾經分享Hyundai (現代)的新電動概念車,其中在2019 年法蘭克福國際車展(IAA)展出的\"45\"及今年3月網上發佈嘅Prophecy都已證實開發生產版本,但原來仲有一架EV會搶閘率先生產。 Hyundai電動車 \"45\" 預計2021推出 10月27日Hyundai網頁公佈最新電動車,呢架新EV你未必坐得到,唔係因為你買唔買得到,或者買唔起,而係因為佢太mini,架車只有81cm闊 !! 係標準男士腰圍多少少!!! 成年人應該係「坐」唔到。佢絕對係您所見過的最細,最可愛,最高效嘅Hyuandai電動車。 個尺寸絕對係小童裝size! 比標準男士條腰闊少少!!!   這架車仔尚待官方命名,睇外形絕對係由 \"電動車45\"中汲取靈感。除咗尺寸有所不同,車軚和側面棱角分明的平滑輪廓,標誌性的“動感立方體燈”設計”都十分相似,真係可愛到一個點。 Hyundai 話呢架車只係「最有勇氣之魂」揸嘅 ! 唔好以為咁玩具得好個樣,呢個「小引擎」可以裝上兩個直流電動機,總輸出功率為1.12馬力(840瓦),最高的時速都有每小時7公里的「驚人」最高速度,對小朋友來講夠晒玩。Hyundai暫未有公布行駛里程,但就話駕駛者嘅笑聲經過佢地 \"情緒適應車輛控制 Emotion Adaptive Vehicle Control (EAVC)\" 技術為架車進一步行駛提供了動力,真係搞鬼。 標準版45 + 迷你版45 「父子合照」 Hyundai設計師從賽車運動中汲取了靈感,所以只有車中間放置一個座位。為了符合\"45\" 的設計主題,Hyundai採用傳統的生態材料-木材建造了這款獨特的迷你車。 現代汽車承諾將盡快透露更多細節,等車迷有機會買比小朋友過Christmas。如果Bolt仔仲係小學有人送比我,真係乜都應承!! Hyundai官方發布製作和設計視頻: https://youtu.be/Ptli4nN9nK0 資料來源: Hyundai Motor Group; Motor 1; Hyundai Motor Group@youtube