LOADING CLOSE

國產EV

[唔係Tesla] 2021一月EV全球銷量#1

Tesla 全球EV銷量Top#1個位,啱啱比一架國產打敗 ! 根據EV -Sales Blogspot 顯示,由2011年以來,全球電動車銷售第一次連續三個月(2020年10月、11月及12月)升一倍 ! 2021年一月數字,比舊年同期亦升112%,果然係好開始 ! 不過全球最受歡迎嘅電動汽車,今次唔係Tesla Model 3啦,比五菱宏光Mini EV首次打低咗。 究竟呢架全球第一係乜野車? 呢架國產EV雙門城市車,四座位但唔夠3米長,非常迷你:長2,917毫米,寬1,493毫米,高1,621毫米。官方話後座摺埋後放得落2個26吋行李箱,都算實用。   咁配置呢?五菱宏光Mini EV搭載13kWh小型電池組的NEDC額定範圍只有120公里至170公里,規格比較弱。外形亦無特別,迷係車一直唔算大賣,能夠撼贏Tesla及所有大牌靠乜?原來係靠國貨嘅強項,一個字 : 平!!  車價只係人民幣28,800元至38,800元,無睇錯,只有Tesla Model 3價格嘅四分之一咋。 淨係平唔夠,更重要係大廠出品有保障。生產五菱宏光Mini EV係由GM China (中國通用汽車),中國上汽集團,柳州五菱汽車嘅巨型合資企業-SGMW生產。去年7月一推出中國市場就爆紅,呢架專為城市駕駛設計嘅迷你車,直至1月底為止推出七個月內,已賣出超過160,000部,而且個數字完全係內銷,預計之後推其他亞洲市場,銷量會更進一步。 而1月份售出32,762架,唔止係首次成為全球第一,而且佔一月份新售出所有純電動汽車10%以上,唔怪得受外媒關注,而排第二位Tesla Model 3,賣出21,589輛,第三位係Tesla Model Y,9,597架。 同場加映:一月全球EV銷售排行榜 想知頭三位之後係乜嘢車?繼續睇落去。劇透一下,都係國產。 第四位:比亞迪Han EV售出9,298輛   第五位:長城ORA黑貓售出6,092輛。 第五位:GAC AION.S 同樣售出6,092輛。               而車廠品牌銷量排名榜,SGMW係1月份銷量贏家,售出38,896架,第二係Tesla,賣咗33,063架。跟住係寶馬,比亞迪,上汽,Mercedes奔馳及大眾Volkswagen。 一月份全球共售出321,031部電動汽車。嚟緊呢幾年,隨著各大車廠宣布加擴大電動車發展,相信排名會大執位。各車主及股民都要留意啦 ! 圖片及資料來源:ev-sales.blogspot.com, Driven, Electrek

[開箱+拆解+實測片] 全球最平嘅3門電動車

今日係開箱片 ! 療癒值十分!!  最啱今日終於掛8號但要WFH嘅你睇!! 話說疫情後全世界都網購上癮,有個美國人 Jason Torchinsky 同我亞媽一樣,見到平野忍唔住買來玩下,佢買咗架新EV價值US $930,無睇錯 ! 佢係阿里巴巴淘咗架全新3門電動車,而且仲係訂製架 ! 1. 開箱片 https://youtu.be/qxl_vgYP3Rg 睇Jason開箱先嚟落雨,都阻唔到佢,呢D係男人的浪漫 !! 佢開心到一點,真係療癒 ! 呢架Changli Nemeca 常力3門電動車,在阿里巴巴車價US $930 (港幣 $7207.5),連電池價US $1200 (港幣 $9,292.25),當然唔包郵啦 ! 落單15日發貨,Jason 個架寄去美國仲跟埋美國插頭充電charger ! 而且仲有螺絲批套裝,後備車呔同後備左右側鏡 ! 究竟係山寨價膠車定係筍車? Jason 叫埋佢Buddy拆解下架車得唔得: 2. 拆解片 https://youtu.be/kJk30Kj5jCA?t=2 抵成咁行唔行得先 ? Jason仲揸去賽車場拍埋試車片你睇 !  無野講 ! 完 ! 3.  實測片 https://youtu.be/wd6YWOW6fYI 買車連結: 阿里巴巴 片段來源: Jalopnik@youtube 圖片及資料來源: Jason Torchinsky@Jalopnik.com

國產EV獲得美國道路試駕許可

最近中美網上大戰,電動車界都蠢蠢欲動........... 有阿里巴巴加持,Model S嘅競爭對手,中國電動汽車製造商小鵬汽車(Xpeng Motors)周二宣布,佢地新電動運動轎車P7 ,獲得美國國家公路交通安全管理局授予了汽車進口許可證,將允許小鵬的國產P7在美國進行公開路試,可以在美國道路上試駕,距離同Tesla在美國市場正面競爭又邁進一步。  P7係小鵬生產的第二款電動車,續航里程約706公里,是中國銷售的電動汽車中最長的。 該範圍已由中國工業和信息技術部驗證。該公司創辦人兼首席CEO何小鵬表示,在美國進行的路試將為該公司在中國的研究提供“補充”,但並不意味著小鵬即將進入美國市場。 他說:「目前,我們的主要重點是將P7推向中國市場,以確保在下半年實現高質量的生產和大量交付,並為客戶提供最佳的售後服務。」 話雖如此,他補充說,該公司有海外擴張的戰略計劃。在阿里巴巴,IDG資本和小米等投資者的支持下,這家成立五年的公司是中國最著名的初創電動車企業之一,並被譽為Tesla的挑戰者。 P7有望成為首款用阿里巴巴車載Apps的生產型智能車。   P7用DRIVE Xavier芯片,支持L3级别自動駕駛,小鵬稱已獲得加州汽車部的自動駕駛汽車測試許可。 P7於去年四月在上海車展上首次亮相,零售價在24萬至37萬元人民幣,幾乎是Tesla Model S在中國價格的三分之一。小鵬較早時表示,截至11月已經有超過15,000個預訂,將在今年第二季度上市。 講返轉頭,中國係全球最大電動車市場,銷售額差不多佔整體一半。但受國家補貼政策變更影響,國內電動車製造商都唔易生存,走向外國市場,接受外國勢力各種測試係好事。 資料及圖片來源: www.abacusnews.com; itheat.com

Made in China的電動車掂唔掂?

一講中國EV車,即刻稔起比亞迪,其實原來還有Start-up的拜騰Byton。 剛舉行的2020CES,中國電動車新創拜騰(Byton)首次發佈了該公司首款市售純電動汽車「M-Byte」- 5座SUV。 究竟掂唔掂? M-Byte最吸晴是用48吋的是超大螢幕,完全取代傳統儀錶版,在方向盤和中控台上還裝上觸摸屏界面,可算是充滿未來感。車身由鋼和鋁製成,並在地板下裝有鋰離子電池組。 備有後輪驅動和全輪驅動,總輸出為402 hp。 車廠聲稱RWD車型的零至62英里/小時只需7.5秒,而AWD車型為5.5秒。標準配置為72.0 kWh電池組,可選配95.0 kWh電池。 估計電池可提供約202英里-257英里。 「M-Byte」計劃在2021年於美國及歐洲推出售價最低為US$4.5萬,今年內將在中國南京的工廠生產。該公司還透露稱零售方式會像TESLA 通過網上及實體店預訂,銷售以中國及歐美為主。 資料來源: caranddriver 圖片來源: The Verge, Byton, 數位時代高敬原攝影