LOADING CLOSE

EVinfo

[重磅研究]97歲長者發明改變世界

長者做D乜,你可能會話發下「早安圖」,係公園坐下、曬下太陽、扭下腰咁,精神好D去飲下早茶,如果話「改變世界」? 吓 ?係咪打緊動物森友會呀 ? 唔係講笑,呢位「改變世界」長者就係鋰電池之父— Dr. John Goodenough,2019年諾貝爾化學獎得主,你部手機你部電動車可以安全運作,都係靠佢1980年代發明咗而家無處不在嘅鋰離子電池。 今日Dr. Goodenough已經 97歲,你無睇錯! 患有閱讀障礙症嘅佢,係發明鋰電池30幾年後,佢再次研究出改變世界的新電池技術,足以取代他自己發明嘅強大鋰電!係乜驅使佢?係愛......地球呀! 只因為佢想推動電動汽車普及化。 Cockrell School of Engineering Dr. Goodenough接受科學權威IEEE雜誌《Spectrum頻譜》採訪時說: \"我想解決汽車的問題,我想讓汽車廢氣從全世界的高速公路上消失。我希望死前能看到這一天,我今年 94 歲 (採訪在2017年),還有時間。\" \"(我們)要獲得一種在\"成本和便利性\"都可與燃油機競爭的電動車。\" IEEE(國際性電子技術與電子工程師協會)專訪,IEEE是全球最大的專業技術組織之一,擁有來自175個國家的42萬會員。 2019年領取諾貝爾化學獎,成為係年紀最大得獎者! 就係咁,Dr. Goodenough領導團隊在2016年首次發表用玻璃固態電解質做出全新電池。今年4月5日,新研究正式申請專利,意味著這個不只是理論,是可以進一步商業化的突破性技術。 以玻璃為主要成分的新電池,是低成本、安全、不易燃、高容量、快速充電的固態電池,可能足以顛覆汽車業,終結燃油機 ! 低成本: 所有鋰電池陰極都含有鈷,但鈷的產量有限,而且是電池所用的金屬中最昂貴的,每噸成本約為3.3萬-3.5萬美元,因而成為車廠降低電動車生產成本的最大障礙,玻璃電池轉換為鈉(鹽),由海水就可以無限供應鈉,自然大大降低成本。 安全: 摻入鋰或鈉的玻璃電解質不易揮發,不易燃,不會出現鋰離子電池內\"尖峰晶體\"所引起短路起火的安全隱患,徹底解決了電池爆炸問題。 高容量: 儲容量是鋰離子電池的三倍 ! 快速充電: 充電時間是“數分鐘而不是數小時”。因為玻璃賦予電池更大的存儲能量的能力,充電時間快如閃電一樣。 溫度範圍更寬: 玻璃電池電極足已承受-20ºC至60ºC,在極冷和極熱的天氣下都可以表現良好,比現時的電池優勝。 更耐用: 充電和放電循環還可達23,000次!! 超過了典型電動車用的NMC鋰電池或LPF鋰電池的平均1,000-2,000次循環高十倍至廿倍以上!!! Dr. Goodenough新發明真係⌈完勝⌋現時所有鋰電池 ! 玻璃電池還可以將太陽能和風能存儲在電網上。 係咪Good enough呢?  你可能話成日都有新的電池技術報導啦,好似比亞迪的新磷酸鐵鋰“刀片電池”,電動車初創Atlis Motors又有新電池原型為可以快速12分鐘充電 ; 日韓三星又公布可以提供800 km續航嘅固態電池......究竟邊個研究真係可以成功可以應用? MIT麻省理工學院電池研究員Donald Sadoway就分析: “John Goodenough是該領域的佼佼者,而且是一位出色科學家,所以他宣布消息時,我會注意,他的聲明值得一聽。” 玻璃電池已解決電池最關鍵的成本及安全問題,可以快速充電和放電,剩下主要問題,是容量會否衰退和使用壽命。到目前為止,研究員已經製作過卷形玻璃電池,運作得好好。 因此係研究相當樂觀。 而隨著電池專利申請正式展開,相信今次發明唔會停留在實驗室,而係可以一步步用於商品上,令電動化行得更快,改變世界。 今日,Dr. Goodenough仍舊活躍在科研前線尖端: \"我不想退休等死,我想努力奮鬥,我相信我們正在做的事情是非常重要的。\" Bolt仔希望大家都好似Dr. Goodenough一樣,More than Good enough!    資料及圖片來源: the Driven; iEEE Spectrum; Businesstoday.com.tw; plugboats.com

穿越未來忍者車: 豐田LQ -2020….2021奧運車?

Fc 東京奧運宣布已延期到2021年,Bolt仔今日要分享都係同奧運有關。 話說Bolt仔至愛睇創新突破嘅野,去年10月在東京車展上,Toyota豐田LQ首次亮相時,真係一眼迷上。但睇樣以為佢只有外表的車展概念車 ? No 啦 !  如果日本2020奧運會無被推遲,你將會在奧運會期間看到這部極富未來感的電動車在東京漫遊。  設計LQ的 Toyota ZEV工廠首席工程師井戸大介說,這款EV不僅僅是一個概念。這輛車最快春季尾會在日本公路上開始測試。 豐田是奧運會的官方汽車贊助商,為了奧運會已設計一個有巨大創新性的電動化車隊及概念,包括 e-Palette,而LQ只是其中的明星之一。 透過切換內建100萬個微型嵌入式鏡面的DMD,可在前方路面投射出複雜的圖形與文字,向駕駛者告知路況,實現車輛內外部的通訊。 LQ採用與豐田Prius和Corolla相同的TNGA平台和B柱結構,外殼是楔形設計,非常東灜動漫風,十足穿越未來的忍者車。雖然看來像玩具,但豐田對這部新型電動車是作為正式業務去製造。 LQ外門則採用玻璃與車輛內部無縫連接,玻璃板經過了官方測試,可以承受側面衝擊。 從汽車尾部附近的一個C柱到另一個C柱,豐田汽車靈感源自忍者投擲星星暗器的模式。 LQ採用Lexus UX300e SUV 電動車用相同的EV組,UX300e 是品牌第一款純電車型,將於今年在中國與歐洲市場販售。前輪驅動的LQ預計將使用54.3kWh電池組,最大馬力為201hp(150 kW),峰值扭力221lb-ft 。 如果同UX300e一樣,LQ可以產生約400公里的續航里程,並提供4級自動駕駛功能。 根據工程師的所講,LQ將整合與豐田加州研究所共同開發的A.I. agent 或人工智能助理Yui 。 車載A.I. agent會使用面部識別等功能,來讀取駕駛員的意識或嗜睡程度,並主動與駕駛者進行其最喜歡主題的對話,以確保駕駛者能夠保持清醒不會睡著,直至安全地到達下一站。 車內部,是未來與現在結合。 雖然座椅和軚盤似乎由 Toyota Prius直接借過來,但3D印製而成的的中控台採用了極簡約設計,只有最少最必需的開關和控件,控板兩則及座椅上都有忍者星星暗器的圖案,與車外互相呼應。 以車頂及腳踏墊區域作為HMI(車用人機互動介面),在車輛和乘客之間共享資訊。嵌入式照明透過不同顏色,區別自動或手動駕駛模式。 車身及後燈的忍者星星暗器的圖案充滿和風 LQ原定為2020奧林匹克聖火接力車的車隊之一 零排放的LQ原定於今年用作奧林匹克聖火接力車的車隊之一,並會作為馬拉松比賽的領航車。一位與豐田關係密切的消息人士稱,最近在東京附近發現了一款公路版LQ,正準備進行道路測試, 如果豐田保留用於2021年奧運會,咁現在豐田還有一年來慢慢測試修改。 彩蛋 1:    如果想率先買部 LQ玩下,只要700yen ! Tomy 3月出咗啦! 當然唔係電動啦 ! 唔好話網騙!  彩蛋 2:   Toyota Research Institute CEO 親自介紹視頻 https://youtu.be/YSlg2h84ESM 資料及圖片來源: Toyota; global Toyota; Forbes; Tomica  

隔離下EV車主要注意什麼

疫情又緊張了! 隔離下(無論係自我定強制)大家都儘量乖乖留係家中,你部車都係!  無論燃油車和電動汽車都係為定期駕駛而設計,所以長時間唔用有時會有問題。如果跟安全標準係21日,你架電動車停放咁耐唔用,維持電池健康要注意什麼? ♦  Home office可以終於睇下車主手冊建議,了解是否要保持電動車的插電狀態。 大多數電動車如Tesla建議保持汽車在插電狀態,如果您住係溫度異常高或低的區域,插電狀態可以提供電源來運行「電池恆溫系統」 。但係香港現時嘅天氣,系統很少會激活。 車主手冊連結:  model 3; model S; model X;  Kia;   日產就建議Leaf車主保持unplugged 不要插入電源,以便進入專用睡眠模式sleep mode。 ♦ 電動車車主需要留意車輛主電池的充電狀態,並記住那裡也有12w輔助電池。當主電池組為汽車供電時,12w輔助電池會運行其他電子組件,如水撥,車燈和信息娛樂系統,以及電池管理系統。這意味著,如果將汽車停放太耐,它更容易被耗盡。鋰離子電池在絕大多數電池組中以緩慢速度放電,每月放電約2%,如果電池恆溫系統同時運作,放電速度會稍高一些,每一次可能會損失多達15公里/天。 ♦ EV電池組太長時間處於100%或0%的狀態都唔理想,最壞係長期電池耗盡至0%,咁電池會唔健康。所以,如果您架車容許,通常是通過觸摸屏或應用程序,可以將電池組的電量充電到50%到80%之間。嘗試限制為不超過80%。有些電動車有為長期唔活動而設特別的停機時間模式(down-time mode)。 ♦ 每星期睇一次電池組的電量狀態,並根據需要將其充值至最高80%。 ♦ 關閉預測功能。一些電動車具有預測功能,​​可以預測您何時外出以及多久出門一次。呢段其間,都應將預測功能關閉。 ♦ 如果你架EV相對較新,一個月唔開車您乜都唔做,可能都無事 (只要你架車唔係0%電)。但如果隔離時間再延長,你都係主動檢查下主電池組的電量,並確保12v電池電量不會耗盡。 資料及圖片來源: www.autocar.co.nz

[有片]Tesla Model Y vs 3 vs X後座舒適度比拚

定位SUV跨界休旅車嘅Tesla Model Y,3月中先在美國剛開始出貨,香港仲有排。 揀Model 3 定 Model Y 甚至 Model X呢? 你可能已經睇咗唔少試車片。好多試車都係講下性能表現同操控咁,都係由駕駛角度出發,比較少關心後座乘客坐得舒唔舒服。如果你係family man,成日全家出動,唔想屋企人坐到摺埋,揀車前呢嗰試車片你要睇睇。 Tesla model X, model Y, model 3 排排坐 Model Y 車廂數字 雖然Model Y已有官方車尺寸,但只有數字係唔夠感受到,車廂空間濶度之外,座位高低,椅背斜度車頂都影響坐的舒適度。今次集齊Model X,Model 3,Model Y,測試員係  Brian: 6呎5    Ashley: 5呎10吋   分別坐入3架Tesla司機後座椅示範比你睇,司機位講明係跟返大隻爸爸Brian坐開咁set,無出蠱惑。 究竟Model Y是否好似我地想像一樣在後排座椅中同樣寬敞? 比Model 3還要寬敞? 後排比Model X大 ? 這段視頻為我們提供了答案。 https://youtu.be/1VZIMdy8uhY 資料及圖片來源: youtube channel i1Tesla; insideEVs,com

經典VW古董潮車變身EV「餓靚のVan」

呢款福士經典麪包車,原本叫“ T1 Samba ”,因為車身如微型巴士(Microbus)故俗稱為BULLI,於1950年3月在德國開始生產,今年剛剛70週年啦 !T1 是世界上建造時間最長的商用車。經過咁多年時間洗禮,在車迷心中神級地位依然,係香港我地又叫佢「餓靚のVan」(Orange van),跟森美叫,好多人搵佢做結婚花車,保証個個心心眼,吸睛度爆燈! 進行兩個色調的噴漆處理在“ Energytic Orange Metallic” 和 “ Golden Sand Metallic Matte” 前後圓形燈upgrade為LED燈 專門改裝古董車EV化公司eClassics趁2020年Bulli 70歲生日,宣佈提供Bulli電動化服務,示範單位使用一架1966年生產的T1 Samba-Bus改裝及升級為電動車:「e-BULLI 2020」,真係經典復古同未來的crossover,原定在本星期德國Techno Classica 2020車展公開,而家又係疫情影響改係網上發布啦。 eClassics係同福士商用車公司正式合作夥伴,進行的改裝用嘅零都係福士原廠提供,保證保留經典神粹,具有重新設計的前後軸的e-BULLI價格為64,900歐元起。 e-BULLI由一台61kW的電動機驅動,峰值扭矩為212 Nm(156 lb-ft),是原裝四缸汽油發動機提供102 Nm的兩倍以上。 憑藉雙倍的功率和扭矩,唔洗講e-Bulli的速度比原裝快得多,最高時速為每小時130公里,比起原裝汽油發動只有105公里,行highway都夠用啦。 單速變速器聯接至位於前排座椅之間的橙色波棍,保留retro原味。波擋系统 “P,R,N,D,B ”中,“ B” 讓駕駛者在製動時改變能量回收力。 能量存儲在45kW/h的電池組之中,可提供200公里的行駛距離。DC快速充電只需約40分鐘由0%充電到80%。 Level 2 AC充電範圍為2.3至22kW。 明亮雙色皮革8座位,整個地板均採用船甲板外觀的實木製成,加上特左天窗。型格到一個點!!!!!!!!!!!!!!! 與原裝燃油驅動相比,坐上e-BULLI感覺更舒適,底盤進行了重新設計及進一步增強:具有可調節避震器和線圈架的多連桿式前後軸,以及新的齒條和小齒輪轉向系統以及四個內部通風盤式製動器,為新動力提供動力處理,行駛寧靜而舒適。 車廂螎合古典及科技。 新的速度表基於原裝的升級為兩位數字顯示屏。平板電腦隱藏在車頂控制台。 睇片: e-classic 官方片段 https://youtu.be/IeeMO2fpB2I 圖片及資料來源: eClassic.eu;  electrek.com; murschel-electric-cars.de; vw.com  

[有片]實測 行咗23.5萬公里嘅Tesla電池效能!

車嘅壽命有幾耐? 燃油車平均可以行32-50萬公里,十零年就周身傷。 咁電動車呢?  電動車歷史仍相對較新,無數十年數據。最擔心係電池老化,整個電動車最貴的組件係電池,無論車廠點吹噓,都係真實用家試比你睇實在D。 Bolt仔找到美國用家 Branden Flasch 日前真實測試佢部揸得極多嘅EV參考下。 測試地點: 美國 車齡: 5年 (2015年) 車型: Tesla Model S - 70D 行駛里數: 146,000英里 (約234,960公里) 充電循環: 1,000多次 以美國人平均每年行駛15,000英里 (2.4萬公里) x 5年 = 75,000英里 (12萬公里),Branden 架車行咗23.5萬公里,係兩倍!! 好高用量!! 香港私家車平均只係每年1.1萬公里咋*,即係等於廿年車!!!  Branden點測試呢?  先將他部2015年 Model S充滿電,然後將其降低到零,以測量汽車使用的kWh,這使我們清楚地看到了70kWh原裝電池仲有幾多可用。即刻睇片! https://youtu.be/r6evsOg0w_k 測試結果:  Branden的Model S電池仍保留到83%。在超高行駛里程上,平均每年的電能損耗僅為3.4%。如果用返美國平均每年行駛約2.4萬公里計,每年電池容量損耗只有1.7%,用香港平均數計就更低啦,表現相當厲害 !   (*運輸署2017數字) 資料及圖片來源: youtube channel Branden Flasch; insideevs.com; legco.gov.hk/research-publications

[美國U研究]延長EV電池壽命Tips必睇

車主最怕整車,又煩又晒錢,電動車比燃油車係少好多野整,最緊要係保住電池,電池的充電能力同容量流失直接影響駕駛,咁有乜技巧延長電池壽命? Bolt仔唔敢扮專家,最近美國密芝根大學University of Michigan在《Journal of Energy Storage》2020四月号發表,研究了消費者可以延長鋰離子電池壽命的方法。這項研究得到 the Responsible Battery Coalition (RBC) 支持。介紹返,RBC由學者,組織及公司包括Ford和本田組成,眾多電動車用戶手冊包括Tesla,BMW,雪佛蘭,福特,Fiat,本田,現代,Kia,Benz,日產等等,都跟這組織的電池使用和充電建議。 6種延長EV電池壽命Tips: 1️⃣  盡量減少暴露在高溫下 — 在存儲和充電使用中,儘可能將電動車停在陰涼處,以便電池熱管理系統可以在電網供電時發揮作用。香港夏天咁曬,真係要長泊室外儘量搵有陰啦。 2️⃣  盡量減少暴露在低溫下 — 避免泊停車位都處於極端低溫下(呢個指係外國冬天)。如果插入電源,則電池熱管理系統可以使電池保持適合狀態。一些電動車在不插電的情況下也會自動運行熱管理系統,直到容量下降至15%。 3️⃣  避免100%充電狀態太長 — 通宵充電係好方便,但晚晚充爆100%後仲一直插住,電池就無咁好。而且如果您日常只係消耗30%電,咁使用電池中間的30%(例如由70%用到40%),比總係使用頭30%的電更好,唔需要不斷充爆。留意智能充電系統(好似Bolt apps)與您車上嘅日誌 ,會提供資料比你計日常駕駛需求來充電。 4️⃣  避免0%電狀態太耐 —電池管理系統通常會在到0%之前將EV完全關閉。最唔好係EV無插電源時間過長,以至自動放電至0%,然後就咁放係到無理很長時間。 5️⃣  避免常用快速充電 — 高壓直流充電係好方便,但想延長電池組壽命,平時可以用對流充電。 6️⃣  避免放電速度過快 — Tesla車主可能難以抗拒玩 Ludicrous mode極速模式 (即係「發癲模式」),偶爾玩下好過癮。但要知道,會加速汽車電池的耗損。 https://www.responsiblebatterycoalition.org/2020/02/18/responsible-battery-coalition-applauds-university-of-michigan-research-on-lithium-ion-battery-degradation/ 資料及圖片來源: www.responsiblebatterycoalition.org;  motortrend.com; Journal of Energy Storage

日本「2020最佳抗逆獎」比日產電動車Leaf? 點解呢?點解呢?

「抗逆」 定「抗疫」? 呢排日日講抗疫,咩獎嚟㗎? Bolt仔無打錯字,呢個真係抗逆,係抵抗逆境! 日產汽車Nissan Motor因為佢部電動車Nissan Leaf,得到日本「2020年 抗逆獎最優秀賞 (Best Resilience Award) - 商業和行業類別」,仲係唯一一個出現在獲獎名單上的汽車製造商,Nissan Leaf在自然災害期間將電力送回電網的能力得到認同,亦肯定咗日產嘅電動化「Blue Switch」計劃。 講緊咩? 先回帶2011年3月發生日本311大地震...... 當時第一代Leaf推出僅僅2個月後,大地震和海嘯襲擊日本東北海岸,480萬個家庭無電。當時3月份東北仍然寒冷,日產向受災地區提供了66部Nissan Leaf電動車,以通過雙向功能供電比疏散中心和福利設施,令醫療專業人員可以有備用電作加熱同其他用途,當時Nissan Leaf對災區真係「雪中送碳」。 有了這種經歷令日產汽車加快了技術的開發,使電動汽車能夠與家庭,建築物和社區共享電池中存儲的能量。所以,2018年日產發起「 Blue Switch」計劃,目的展示電動車在緊急情況,能源管理和氣候變化時期下,可發揮作用的潛力。直到3月底,日產計劃與日本地方政府達成31項協議,在自然災害或緊急期間停電時,向社區提供Leaf作為“移動電池”,以在疏散中心和福利設施提供電源。唔止日本,日產仲希望能在2020年底在澳洲獲得批准使用雙向充電功能。 所以 「2020最佳抗逆獎」 比Nissan Leaf係實至名歸!!!   除此之外,日產與住友商事合資企業4R Energy還開發咗一種固定電池產品,該產品使用Leaf電動車舊的40kWh 電池作為儲能單元,真正環保! 由2019年9月,已經在日本神奈川縣的7-11便利商為新電池進行測試。在試驗中,能量從Leaf轉移到重新使用的電池,該電池也可以通過太陽能充電,為建築物供電,或者在需要時為汽車充電。日產表示,預計這款新的V2X(Vehicle-to-Everything)產品將在日本2020年底推出。 係咪好有光環,想出返部Nissan LEAF呢? 其實LEAF一直係入電動車門首選,話晒全球累積銷量超過460,000部,穩定安全。 咁啱呢個Weekend日產週末快閃優惠,2日限定! 禮遇高達$40,000,只限Intelligent Power次世代動力車系,仲包括「LEAF 純電動車」 日期:3月21 - 22日 時間:早上10時至晚上8時 地點:日產九龍灣陳列室 / 灣仔陳列室 / 自選地點參觀試駕 查詢:2262 1088 / 2803 5333 資料及圖片來源: the Driven; Nissan Global ; 日產香港; Twitter@nissan motor;  Association for Resilience Japan

[有片]Benz頂級9座位保母車出全電動版本

Bolt仔少介紹客貨車,今年Mercedes-Benz將佢受歡迎嘅商用車Vito系列細改,除了外觀與配備upgrade外,頂級商務款新增全電動版本eVito Tourer,而且將會在歐洲以外發售,所以就分享下。 寬敞 9 人座設定嘅 eVito Tourer,外觀與一般Vito Tourer差不多,只係前葉板及尾門位加入electric同 eVito Tourer 的徽飾,最易認係左前保桿係充電插座位。 用eATS電動傳動系統,最大 204 匹馬力及扭力 37kgm,90kW的電池組置於引擎蓋下,45分鐘內可充至80%電量。續航里程421 公里,而標準的eVito車速高達每小時140公里,可以選升級版eVito再提高至159公里。 此外,由駕駛員選擇的再生製動系統,由軚盤後面的轉擋操縱手掣驅動,既方便行駛,又可進行更有效的能量回收。 自動制動再生設置使用交通標誌識別,和周圍條件,來估計適合該情況的再生量。 想再睇多D有片>>>> : Click 傳送門 圖片及資料來源: motor1.com;mercedes-benz.com; https://newatlas.com/automotive/new-mercedes-evito-tourer/

國產EV獲得美國道路試駕許可

最近中美網上大戰,電動車界都蠢蠢欲動........... 有阿里巴巴加持,Model S嘅競爭對手,中國電動汽車製造商小鵬汽車(Xpeng Motors)周二宣布,佢地新電動運動轎車P7 ,獲得美國國家公路交通安全管理局授予了汽車進口許可證,將允許小鵬的國產P7在美國進行公開路試,可以在美國道路上試駕,距離同Tesla在美國市場正面競爭又邁進一步。  P7係小鵬生產的第二款電動車,續航里程約706公里,是中國銷售的電動汽車中最長的。 該範圍已由中國工業和信息技術部驗證。該公司創辦人兼首席CEO何小鵬表示,在美國進行的路試將為該公司在中國的研究提供“補充”,但並不意味著小鵬即將進入美國市場。 他說:「目前,我們的主要重點是將P7推向中國市場,以確保在下半年實現高質量的生產和大量交付,並為客戶提供最佳的售後服務。」 話雖如此,他補充說,該公司有海外擴張的戰略計劃。在阿里巴巴,IDG資本和小米等投資者的支持下,這家成立五年的公司是中國最著名的初創電動車企業之一,並被譽為Tesla的挑戰者。 P7有望成為首款用阿里巴巴車載Apps的生產型智能車。   P7用DRIVE Xavier芯片,支持L3级别自動駕駛,小鵬稱已獲得加州汽車部的自動駕駛汽車測試許可。 P7於去年四月在上海車展上首次亮相,零售價在24萬至37萬元人民幣,幾乎是Tesla Model S在中國價格的三分之一。小鵬較早時表示,截至11月已經有超過15,000個預訂,將在今年第二季度上市。 講返轉頭,中國係全球最大電動車市場,銷售額差不多佔整體一半。但受國家補貼政策變更影響,國內電動車製造商都唔易生存,走向外國市場,接受外國勢力各種測試係好事。 資料及圖片來源: www.abacusnews.com; itheat.com