EVinfo – Bolt EV Charging Service 網上預約電動車充電服務

Lexus未來路線及純電動概念車LF-Z

正如豐田講，汽車行業正經歷「百年一遇」嘅時期，因為零排放，傳統品牌都要對未來發展作出選擇，最近General Motor通用汽車，Volkswagen大眾汽車，及Jaguar 捷豹都定下全電動化、「燃油車全走」嘅策略，咁豐田旗下嘅凌志Lexus又點？兩日前，日本品牌發布會終於揭曉。 Lexus品牌未來發展豐田話Lexis唔會咁極端走「只生產純電動」嘅路線，未來將會係混合動力車，包括氫動力車，及傳統燃油車。不過為達至零排放，Lexus亦訂下2050年實現對所有製造及回收利用“碳中和”目標。 Lexus會係2025年前將推出20部新車，其中10部係全電動，混合動力或氫動力。介紹返，其實Lexus 係舊年2020年尾先至低調推出第一部純電動車－以Lexus UX為基礎嘅UX300e試水溫，限量於中國、歐洲及日本發售。今次發布會上嘅全新電動概念車Lexus LF-Z，先至係品牌真正擁抱EV新未來嘅藍圖。 Lexus LF-Z Electrified 概念車外觀 LF-Z概念車採用低矮度SUV車形，扁平銀色車身有棱角及未來感，size比大部份現時嘅Lexus短，車頭有Lexus標誌性格柵，前高後低嘅全景玻璃車頂有電致變色功能，可以由不透明變為透明，可保隱私，在還需又可睇靚景；後部玻璃一分為二嘅中央散熱片，及水平直線連貫LED車尾燈。車身有超大尺寸車輪及側面攝影鏡頭，LF-Z電動門把手，僅在需要先彈出。可以通過觸摸打開，如果傳感器檢測到有車來緊，則無法完全打開。車廂行簡約風嘅內部，駕駛位置同屏幕是根據“ たづな ”新概念設計，日語「手綱」即係騎馬用嘅韁繩，Lexus介紹：由馬與騎手之間通過“ たづな (手綱 ) ”進行交流嘅關係所啟發，軚盤上安裝嘅開關同車輛的平視顯示器高度協調，可以輕易使用各種功能；例如導航系統，音頻系統，A R抬頭顯示器，駕駛者可以在專注於駕駛嘅同時，進行駕駛模式選擇，而無需移動，亦唔使操作複雜開關。電池組橫向安裝係車廂地板下方，可以降低重心同時增強處理能力。三屏顯示器減去一切按鈕近似Tesla Model S plain新yoke軚盤規格 LF-Z 採用 Toyota 的 e-TNGA 平台並搭載“ Direct4”系統 : 一種全輪電動驅動裝置，旨在改變前軸和後軸之間的扭矩分配，比傳統系統快好多，可以獨立驅動每個車輪嘅動力，能夠在前驅、後驅和全驅之間自由切換，配合各種駕駛模式或情況，從而在高性能情況下提高抓地力。另外採用線控轉向技術，即係代替傳統轉向軸式機械轉向，改善轉向靈敏度。有咗Direct4設置，LF-Z有高達536馬力（400千瓦）總輸出，516磅-英尺（700N⋅m）的扭矩。90kWh的鋰離子電池組在WLTP循環中提供600公里續航里程，並支持150kW的充電。即使架車重達4,630磅（2,100公斤），只需3秒鐘即可由0至到62 mph (100 km / h)，時速更可高達到124 mph (200 km / h)。為了未來幾年內加快電動汽車的開發，Lexus將在2024年3月在日本下山豐田技術中心Toyota Technical Center Shimoyama（TTCS）開設一個商務和技術中心。未來品牌旗下研發、設計、生產技術以及策略企劃部門將全部集中係度。發布會片段係呢度 https://youtu.be/qEVtTI9i3bQ 資料及圖片來源: Lexus, The Verge; Motor 1, Car and Driver, Lexus Globe

保時捷最貼地新車

疫情返返覆覆，但有種活動冇停過仲越嚟越熱，就係郊遊！無論係行山定單車遊都超多人。最近Porsche公布新電動車Taycan Cross Turismo，當然靚仔吸引啦，但車尾加咗托架同兩架單車，亦非常引人注目。原來呢兩架唔係道具，係Porsche電動化最新作品: 兩款eBike (電動單車)，Taycan Cross Turismo後面車架就係專門為eBike設計，啱晒全民文郊遊去單車徑打卡！ Porsche介紹返：保時捷為新型Taycan Cross Turismo開發咗獨特嘅堅固承重後架，可以輕鬆安裝，並且完美地設計用於載運電動單車(eBike)。全靠較長嘅輪軌及50公斤有效負載，最多可以安裝兩架電動單車，在裝載時後擋板仍可以打開。兩款電動單車分別係(on-road)以行公路為主嘅 ebike Sport 及 (off -road)郊野路嘅ebike Cross。保時捷話車架跟返Porsche Taycan 嘅線條設計，兩架ebike同樣用全懸架碳纖維車架，都係由Shimano最新中傳動電動馬達系統Shimano EP8提供動力，鎂殼電動機非常輕身，只有2.6千克，扭矩高達85 Nm。在踏板輔助下，Cross及Sport最高時速都可達到25 km/h，呢個係電動自行車係歐洲範圍內法律限制嘅最高速度。 Porsche eBike Sport eBike Sport以行公路為主，全部係頂級單車組件 : Shimano電子變速器、及高端Magura MT 液壓碟煞車(hydraulic disc brake)配對，剎車桿集成係車把中，隱藏住所有電線及電纜，而後減震器同樣集成係頂竿入面，保持Porsche嘅簡約外觀，型仔 ! 另外，仲有靚仔高級別Magura倒置前叉、Fox高端後避震器、Supernova M99 LED燈，嵌入於車把及空氣動力學座桿內，加上Continental SpeedKing輪胎為電動單車保持平穩。 Porsche ebike Cross 而專為越野崎嶇山路而eBike Cross擁有相似設計，但具有多個可隨時行駛嘅組件 : Magura MT Trail 高性能製動器可在製動時抓緊較大的盤片，從而產生更少熱量，而機械Shimano XT 12倍變速系統可提供即時微調快速換擋。仲有Crankbrothers座桿，行緊車都可以進行液壓調節 ! 車把上還有Shimano彩色顯示屏，不僅可以顯示速度，還可以實時顯示距離及範圍。想買就要𥄫住官網，兩架Porsche eBike將於3月底(即係下星期)上架，保時捷經銷店及部分專業單車店將提供三種車架尺寸。Sport及Cross價格分別為8,549美元及10,700美元。買得保時捷Taycan Cross Turismo，無理由唔買埋呢部單車啦！就算唔買Taycan，都有理由買呢㗎頂級ebike，組返個真正環保頂級單車郊遊團啦！資料及圖片來源: Electrek, Porsche Newsroom, the verge

[有片]純電動車BMW i4實體版登場

終於有啦！舊年介紹過嘅型爆BMW i4概念車終於有實體生產版現身 ! 寶馬喺星期三週年會議上首次向展示實版：第一款新Gran Coupé純電動轎車 - i4，而且確定將於今年尾開始生產，估計到明年會交貨。 BMW 集團 CEO Oliver Zipse 同 2022 BMW 純電動車 iX 及 i4 先睇外觀，大致源用去年發布嘅概念車設計 : 大面罩（Gran Coupé），動感，乾淨，刻有彩藍色線條。i4尺寸及形狀與寶馬4系Gran Coupe相似，同樣係一款四門轎車，車頂輪廓類似轎跑車，將會係Tesla Model 3 勁敵。寶馬i4將提供多種規格，頂級版係雙電機全輪驅動，會有523hp馬力，估計續航里程達483公里，4.0秒內由0-100公里/小時。基本版可能採用單電機和後輪驅動。另外寶馬仲公佈i4 會有M Performance版，將在i4正或發布後加入陣容。M版係電動車系列出現屬於首次，預計M車型將會有更強勁嘅製動，運動調諧嘅懸架以及更動感嘅車身配件。 i4概念車嘅車廂圖，預計生產版i4大致相似至於車嘅內置，今次寶馬無展示任何內部照片，但已知道i4將使用BMW最新iDrive 8信息娛樂系統，包括14.9吋觸摸屏及12.3吋數字儀合成巨大弧形顯示板，連同中央控制台上嘅旋轉控制器，將提供高級語音命令及多種功能，包括Apple CarPlay，Android Auto和5G移動功能。仲有數字鑰匙系統，可允許車主用 iPhone代替智能鑰匙。寶馬計劃到2023年係全球範圍內發售25款新嘅「電動」車型，其中絕大部分為純電動車。今年率先推出嘅i4及iX已經係BMW香港官網有得搶先登記，預計年中正式開售，即刻睇埋下面官方片段先。 https://www.youtube.com/watch?v=jHF3RHQCqsA 片源: youtube@BMWgroup 資料及圖片來源: BMWhk, BMWgroup, GreenCarReports, Car and Driver,

[又威又唔使戴頭盔]電動三輪鐵騎 Nimbus Halo

個個都幻想過做鐵騎士，但香港濕熱嘅天氣，跟巴士尾、係隧道吸完廢氣、頭盔濕到一個點，想型唔係咁易，加上路窄車多，真係步步為營。想有電單車嘅理性，有汽車嘅安全，又有電動車嘅乾淨 ? 幫緊你！幫緊你！呢個出奇蛋可滿足你三個願望：Nimbus 推出嘅電動三輛電單車－Halo。咪噓住 ! 我知我知 ! 近年市面已有好多三輪電單車，但呢架係有唔同 ! 見開過D，無論係前二後單轆嘅Adiva，Yamaha Tricity、Piaggio MP3，定前單後兩個轆，都需要駕駛者平衡車身，而且雖然部份有車頂，但對司機保護有限。點解話Nimbus更安全，因為佢有自家平衡系統 \"Nimbus Balance\"，係靠一堆傳感器同執行器幫助機車轉彎傾斜嘅專有技術，Nimbus 創始人Nong 解釋 : 「Nimbus Balance完全係自家開發，同Piaggio MP3或Yamaha Tricity (前二後單嘅三輪車）之類基於電單車及踏板車嘅傾斜式機車完全不一樣。我哋嘅車由軚盤驅動，駕駛者無需轉向或平衡車輛。」未完！Nimbus更承諾Halo配備3個SRS安全氣囊：正面及兩則窗旁簾式安全氣囊；仲有仲有 ! 自動泊車系統、自動緊急制動、ABS、牽引力控制、車道偏離警告、以及空中更新(over-the-air update)，揸電單車從未試過咁安全同咁多嘢玩！ Halo將配備3個安全氣袋，揸得更安心 Halo仲有好科幻嘅外殼保護駕駛者同乘客，由高強度鋼及鋁合金製成，唔只擋風擋雨雪同悪劣天氣，帶有熱塑性外殼，既輕身又安全，仲配備冷暖氣添 !! 呢個先係中點！比其他三輛電單車更保護之外，更爽！真正可以唔使戴頭盔 ! 雖然Nimbus Halo有好多電動汽車功能，但車身絕對比到揸電單車feel， Nimbus Halo車頭好細，保留電單車質感，同樣有後座及儲物位，車身2.3米長，寬度僅有0.81米（31.9吋）。咁規格點先？Nimbus車軚算狹窄，有真正空氣動力學特性；最高時速都有50 mph或每小時80 km，加強版X更高達90 mph或每小時145km 。因為氣流阻力細，Nimbus預計Halo將實現電耗370 MPGe，即能源效益有 11 英里/ kWh (每百公里5.6 kWh )，非常不俗 (預訂超好反應嘅Aptera 三輛EV都係10英里/ kWh)。車內小型電池組提供2個選擇：基本版 8.1 kWh，可以行駛126公里，重290公斤（639磅）。長續航版 12.4 kWh電池組，重量增加至315千克（695磅），續航里程為191公里。而充電時間，用level3快充只係45分鐘、level2亦已需1.2-1.8小時。. 定價方面，Nimbus Halo基本價格為6,420美元，已包標準嘅暖氣功能，藍牙喇叭及信息娛樂顯示屏，更可以選擇加冷氣及觸摸屏。如果想試下揸，可以租，仲有兩個套餐揀：一次過俾年費1,188美元，月租99美元。比分兩次俾年費，每次774美元（共1548美元），月租129美元。包括使用充電器網絡及指定的免費停車服務 Nong表示，預訂將在夏季尾或初秋前重新開放，預計將在明年年中至年底交付。 Halo計劃在世界各地開售。2022年中開始係美國皮歐洲上市，南美將在2022年下半年交付。亞洲就2023年初，希望香港都會有份。圖片及資料來源: Inside EV, Nimbus Green, Auto ...

[唔係Tesla] 2021一月EV全球銷量#1

Tesla 全球EV銷量Top#1個位，啱啱比一架國產打敗 ! 根據EV -Sales Blogspot 顯示，由2011年以來，全球電動車銷售第一次連續三個月（2020年10月、11月及12月）升一倍 ! 2021年一月數字，比舊年同期亦升112%，果然係好開始 ! 不過全球最受歡迎嘅電動汽車，今次唔係Tesla Model 3啦，比五菱宏光Mini EV首次打低咗。究竟呢架全球第一係乜野車? 呢架國產EV雙門城市車，四座位但唔夠3米長，非常迷你：長2,917毫米，寬1,493毫米，高1,621毫米。官方話後座摺埋後放得落2個26吋行李箱，都算實用。咁配置呢？五菱宏光Mini EV搭載13kWh小型電池組的NEDC額定範圍只有120公里至170公里，規格比較弱。外形亦無特別，迷係車一直唔算大賣，能夠撼贏Tesla及所有大牌靠乜？原來係靠國貨嘅強項，一個字 : 平!! 車價只係人民幣28,800元至38,800元，無睇錯，只有Tesla Model 3價格嘅四分之一咋。淨係平唔夠，更重要係大廠出品有保障。生產五菱宏光Mini EV係由GM China (中國通用汽車)，中國上汽集團，柳州五菱汽車嘅巨型合資企業－SGMW生產。去年7月一推出中國市場就爆紅，呢架專為城市駕駛設計嘅迷你車，直至1月底為止推出七個月內，已賣出超過160,000部，而且個數字完全係內銷，預計之後推其他亞洲市場，銷量會更進一步。而1月份售出32,762架，唔止係首次成為全球第一，而且佔一月份新售出所有純電動汽車10％以上，唔怪得受外媒關注，而排第二位Tesla Model 3，賣出21,589輛，第三位係Tesla Model Y，9,597架。同場加映：一月全球EV銷售排行榜想知頭三位之後係乜嘢車？繼續睇落去。劇透一下，都係國產。第四位：比亞迪Han EV售出9,298輛第五位：長城ORA黑貓售出6,092輛。第五位：GAC AION.S 同樣售出6,092輛。而車廠品牌銷量排名榜，SGMW係1月份銷量贏家，售出38,896架，第二係Tesla，賣咗33,063架。跟住係寶馬，比亞迪，上汽，Mercedes奔馳及大眾Volkswagen。一月份全球共售出321,031部電動汽車。嚟緊呢幾年，隨著各大車廠宣布加擴大電動車發展，相信排名會大執位。各車主及股民都要留意啦 ! 圖片及資料來源:ev-sales.blogspot.com, Driven, Electrek

[有片]Hyundai新平台首作 – 800v電動車Ioniq 5

舊年12月Hyundai現代汽車集團公佈佢全新超強嘅電動全球模塊化平台（Electric-Global Modular Platform) 簡稱 E-GMP 架構，會支援Hyundai旗下EV品牌Ioniq、Kia同Genesis等不同尺寸嘅電動車，由掀背車到全尺寸SUV，達至Hyundai係2025年推出23款完整EV，目標成為全球身全球三大 EV 車廠。 E-GMP 講到咁勁，終於今日首架使用E-GMP平台架構嘅作品由Hyundai 正式發佈： Ioniq 5 純電動車。規格配置 Ioniq 5採用800V電池技術，意味著具有Ultra-fast超快充電，可支持高達220kW嘅DC充電，18分鐘內將電池由10％充電至80％。之前只有保時捷Taycan個D超級跑車先有800V，係咪真正超快充電？Hyundai 就拍咗條5 min Challenge 片，用IONIQ 5 同智能手機、laptop、action cam 之間進行一場史詩式電源大戰。一齊充電5分鐘，睇吓邊隻捱得最耐，有片有真相 ! 即睇！ 5分鐘超快充電挑戰 Youtube@hyundaiworldwide https://www.youtube.com/watch?v=Kz36UNYJoD4 Ioniq 5 提供兩種電池選擇：72.6kWh同58kWh，兩種都可用於後輪或全輪驅動。最大WLTP 續航里程為292-298英里 (470-480公里)，正! 基本版: 採用58kWh電池，167bhp後輪驅動裝置，在8.5秒內可實現0-62mph速度。 AMD版: 雙馬達全輪驅動，302bhp，總功率為446lb ft (605Nm)，5.2秒內可覆蓋0-62mph(0-100kph )，時速為115mph。外型 Ioniq 5採用複古設計，風格鮮明，而且外觀仲會係「獨一無二」。Hyundai 個CEO話，Ioniq 5 同後續嘅Ioniq 6和 7車型之間嘅相似度會降至最低。驟眼睇，Ioniq 5 似掀背車，但唔好俾佢呃到；20吋大車軨同較短嘅前後懸架掩蓋咗118吋（3,000毫米）嘅軸距，車身實際長4635毫米，高1605毫米，完全係中型跨界車，尺寸跟豐田最暢銷嘅RAV4跨界車相同。內部空間十足，而且整個車廂地板平坦，舒適度十分。玻璃頂內置太陽能電版車廂除咗寛敞之外，車身仲有另一個驚喜：中控台可以向前後移動5.5吋（140毫米）。咁樣前排乘客可以去車廂另一邊，後排乘客仲可以用到控制台，除咗擺嘢，最緊要用到USB插頭同無線充電板。另外，前排座椅靈活到幾乎可以折疊，仲會彈出腳踏板，貼心到呢。而且前排座椅厚度比普通座椅薄30％，令後排空間更大。後排座椅亦可前後移動，向前滑動5.2吋（135毫米）以增加載貨量。唔止，車內仲有一個有趣功能，內置的V2L（車輛到負載）功能，可以為電器充電。它可以從安裝在後排座椅下方的插口以及從外部安裝的另一個插口提供高達3.6 kW的功率，即使車熄咗，都用到。可持續材料買得EV當然注重保護環境，呢個細節Hyundai都無忽略，車內飾使用可持續材料，如座椅同門扶手，用再生塑膠樽，羊毛或用植物油加工嘅皮革。門上使用嘅塗料都係由植物油中提取。軟件儀表板上的12.0吋雙屏幕，係Bluelink聯網汽車服務最新版本，新功能包括「連接路」及「最後一英里」導航，可提供更強大和準確的導航。仲有充電站信息，包括可用性和估計的充電時間。亦有可通過智能手機控制汽車，可以遠程更改氣候控製或充電設置。 Ioniq 5將於今年開始生產，會有9隻色，而緊隨其後2022年上架係Ioniq 6 轎車（概念車係超型嘅Prophecy），及2024年上嘅大型電動SUV Ioniq 7。 Ioniq 7, Ioniq 5, Ioniq 6 資料及圖片來源: HyundaiUSA; ...

2021Tesla Model S 全新內飾大公開

講咗幾年，Tesla Model S會出新款，今日終於公佈啦！特斯拉嘅性能正就大家都知，車型都靚仔，但係Model S同Model X車內飾方面........真係爭啲，所以今次Model S出新款，一眾fans都非常期待，特別關心內飾。今日，Tesla啱啱公佈嘅新款Model S，最重要嘅變化就係內飾：新蝴蝶式軚盤新軚盤喺Tesla官網上稱其為“軛 (Yoke) ”轉向： “終極專注於駕駛：無柄，無變速。借助無桿轉向磁軛，您既可以享受駕駛的最佳汽車，也可以享受駕駛的最佳汽車。” Model S新中央屏幕移至水平，整裝後為12.3吋。儀錶盤組雖然細咗，但是由於有了新蝴蝶式軚盤，可以一覽無餘。新的中央顯示屏具有2200×1300解像度，超亮色彩，出色的響應能力和左右傾斜度，進行娛樂和遊戲。駕駛位置前面第二個顯示屏顯示關鍵駕駛信息。 Model S後部增加咗第三個顯示屏，位於中央控制台後部，8吋屏幕為第二排乘客提供娛樂及控制，同時還提供22揚聲器，960w高級聲音系統，有主動降噪功能。其他標準功能包括：照顧所有乘客嘅加熱座椅，通風嘅前排座椅，三區域氣候控制，HEPA空氣過濾，車廂氣氛燈(Ambient lighting)。最貼心係有為每位乘客提供無線充電板，同USB-C端口快速充電位，並為前排乘客提供滑動杯架及存儲位。第二排位可收起的中央扶手，有集成式存儲裝置及無線充電功能。亦有電動後尾門，後視鏡功能包括自動變暗和加熱功能。新款Model S仲有新嘅有色玻璃車頂，有紫外線和紅外線保護功能，唔會曬襯你BB。美國Model S現價為80,000美元起，之後，由“ Plaid”和“ Plaid +”代替“ Performance”版： Model S Long Range可以達到412英里的航程，至於使用新電池“ Plaid +”，Tesla預計會超出520英里。美版3款Model S規格比較：香港幾時至有新款 ? Bolt仔會幫你密切留意!! 圖片及資料來源: Electrek; CarAdvice

Mercedes Benz入門級純電動車-EQA

推理題： EQC = EV + GLC ; EQA = EV + ? Benz 第一架電動車–EQC係基於GLC SUV。咁剛剛公佈嘅了EQA呢？無錯，佢係以GLA基礎。作為Mercedes 電動車系EQ第三位成員，EQA是的GLA- class 純電動版，而EQ系列將隨著更多不同車款一齊發展，今年仲有基於GLB嘅EQB，EQE同EQS。即將推出的Mercedes Benz EQ電動車系列仲有EQB, EQE 同EQS Mercedes Benz EQA係緊湊型跨界電動車，外形相當乾淨同傳統。風格上與GLA-Class密切相關，尺寸大致相同。前端具有廣泛的掃描能力，尾部有水平線後燈。率先推出歐洲嘅叫EQA 250，使用前置電機啟動，按下加速馬力可達187hp，起步時可提供277lb-ft扭矩。比GLA250略高少少。最高速度限於99mph，0-62mph需要8.9秒，66.5kWh電池的續航里程為265英里。之後EQA會有其他加強版本，Benz承諾提供260bhp +雙馬達全輪驅動版本，續航里程會超過310英里。至於最關心嘅充電時間，EQA具有11kW的交流(AC) 及100kW的快速充電能力。只要30分鐘就可以由10％充值到80％。水平線車尾後燈內部，EQA係GLA的同級產品，配備了市場上最先進嘅用戶界面之一，MBUX信息娛樂系統提供兩個7吋屏幕或兩個10.25吋嘅大屏幕設備。而EQA更優勝係電子智能配合導航，例如，當架車接近指定的快速充電停止點時，系統不但可以計算出最有效的路線，仲會將電池預調節到最佳充電溫度，保護埋你個電池，好正。外在，車身共有三種裝飾級別：基本規格 Progressive 車型嘅標準配置包括車道保持輔助，剎車輔助和全LED燈。AMG Line 就有跑車運動型座椅，略有不同嘅保險槓同較細嘅後擴散器，而最有趣係玫瑰金“ Electric Art”飾邊。在EQA發售的第一年，仲將會有特別的“1st Edition”裝飾。 20英寸玫瑰金 EQA 將在德國製造，2022年推出歐洲市場嘅EQA250，德国預定價格€47,000，只係比燃油兄弟GLA略高，而呢個一差距減返政府補貼同稅務優惠就會抵消，所以話係「Benz EV入門級首選」係100% 真。圖片及資料來源: Mercedes Benz; Car and Driver; Top Gear;

Preview: 2021新電動車大集合（下集）

唔好俾佢停，今日繼續2021年電動車巡禮下集。 Lotus EVIJA: 宇宙唯一真正最強全電動Hypercar Hypercar LOTUS Evija Hypercar 呢個名唔係個個受得起，英國Lotus蓮花車廠淨係出超級跑車，佢呢架Evija一出，冇人敢埋身扮第二，首架電動hypercar最大馬力可達 2,000 匹 (1973 hp)及173.3kgm 扭力，搭載 4 台電動馬達，手工生產全球限度 130 架，售價 170 萬英鎊起，今年交貨，唔知係香港有無機見到。 >>睇多D :超級皇者之皇Hypercar出場！ Nissan ARIYA :不再寂寞日本代表 Nissan Ariya 十年都得係Leaf一個款！今年日產終於為電動家族仲推出新車系，Nissan首款電動SUV「Ariya 」，有單及雙馬達兩種版本，馬力可達至 389 匹，極速高達 200 km/h。電池容量亦有 65 kWh 與 90 kWh 兩個選擇，續航里程分別有 430 公里以及 610 公里，應該好多日本車fans捧場。 >>睇多D :相隔十年! 可能改變充電制式的日產的全新EV車系 Bollinger B1 : 估你唔島軍事迷注意 Bollinger B1 估唔到軍事迷都要進入電動化年代！Bollinger B1 呢㗎美國全地形電動四驅越野卡車，窩釘接合全鋁製車身，車身成六呎高，玻璃車門頂版全部易拆卸，揸去郊外打war game真係perfect！唔使打淨係造型都贏哂！車廠做緊最後測試，今年有得交貨啦！ Volvo XC40 RECHARGE : Polestar大佬 Volvo ...

Preview: 2021新電動車大集合（上集）

2021年新開始，短短10零日已經好多大事發生，大師話雖然今年挑戰及難關仍然多，但大家有哂經驗同準備，會比舊年應付得好，祝各位逢凶化吉！今日Bolt仔先嚟嗰2021年新電動車巡禮，預覽下今年會推出嘅EV。 Audi e-tron GT : 最佳電影演出 Audi e-tron GT 概念車曾作為Ironman 座駕，電影「復仇者聯盟: End Game」中出過場嘅Audi e-tron GT，一個字：型！電池模組最少96kWh起跳，兩台電動馬達，最大馬力590hp，0～100km/h僅需3.5秒 ! 車價美元約$100,000．要型從來不易 ! Audi Q4 e-tron + Q4 e-tron Sportback: Iron Man嘅兄弟 Audi訂下電動代目標，係2025年前出20款EV，咁當然今年唔止一架咁少，Q4 e-tron具有典型的跨界車頂線條，而Q4 e-tron Sportback車頂斜度更大，呢兩架豪華細緻四門跨界SUV，將會係今年e-tron系列強勢新成員。 BMW iX : 最期待嘅四門豪華房車及最「爭議性」口罩 BMW iX 作為BMW 旗艦純電動車- iX，一句「600 公里續航力 + 第五代 eDrive 技術」已夠殺哂，配置同車廂仲靚到一個點，雖然嗰大面罩係有少少「爭議性」，但係四門豪華電動房車中最値得期待 ! >>睇多D : 寶馬下一代旗艦500匹EV出場!有埋發布片! Ford Mustang Mach-E : 最一見難忘佢個車頭鯊魚造型加上「野馬」廠徽外形真係非常突出，絕對難以忘記，福特Ford Mustang Mach-E 啱晒鍾意多選擇嘅人，有得揀搭載不同電池：標準或長續航版；仲可選擇後輪或者全輪驅動，唔夠嘅仲有高性能 GT Performance 版，最大馬力為459hp，0至100 km/h 僅需3.5秒，美元443,995起。 General Motor HUMMER: 大隻佬至愛通用汽車 Hummer 悍馬曾經係美國大隻佬必備，出名勁大食嘅Hummer停產十年後，華麗轉身為純電動版SUV同卡車，特別初版今年上市，大貨將提供一，二及三電機，承諾功率為1000馬力，扭矩為11,500 lb-ft，更有crab mode可以打橫行，唔怪得係美國預購特別初版反應瘋狂，1 分鐘內火速售罄。 >>睇多D : 可以打橫行的電動卡車 Lucid ...

Page 1 of 9
1
2
3
4
5
...
9
→