LOADING CLOSE

VW大眾汽車建造: 真’零癈氣綠色度假天堂』

VW大眾汽車建造: 真’零癈氣綠色度假天堂』

[Bolt仔開心share]

你無睇錯,今日Bolt仔開心share係一個希臘小島,唔係太耐無得飛要發下夢,而係呢個位於愛琴海東南部嘅Astypalaia (阿斯迪帕利亞島)將會成為智慧、可持續發展、無癈氣嘅天堂!  而且係由Volkswagen (大眾汽車集團) 同希臘政府共同打造 !

碧海、藍天、白雲 = 阿斯迪帕利亞島 Photo fr: Die Chora von Astypalea © Freesurf/stock.adobe.com

德國VW大眾汽車集團主席啱啱同希臘經濟外交部副部長簽署咗一項協議,佢哋會在地中海的Astypalaia 阿斯迪帕利亞島上建立具有突破性的緑色移動系統 (mobility system),作為可持續交通和能源獨立的示範單位。

唔好睇少呢個project,雖然以希臘咁多島嶼來比,Astypalaia 島算細,但其實島面積等於香港島+長州+南丫島咁大,居民就少啲,只有1,334人,但每年遊客都有超過72,000人次。

大眾汽車集團和希臘將創建氣候中和交通的示範島

要係度建立一個無碳無癈氣的全電動嘅社區,VW將部署大約1,000種各種類型嘅電動汽車,由電動踏板車(來自SEAT)到VW全電動ID.3(亦可能係明年推出屬跨界SUV 嘅ID.4 之類嘅 VW旗艦電動車,取代現時在島上約1,500架傳統燃油車。

項目計劃更會為居民及遊客提供全年使用電動共享及車輛共享系統。 唔只係咁,商用車同多功能車也將實現電動化,包括警車,緊急服務運輸車同公共部門車隊,咁先可以全個小島真正全面電動化。

另一重點就梗係電源,計劃係由大眾汽車旗下子公司Elli提供充電網絡,而希臘嘅任務就係發展基礎設施,用帶電池儲能的混合動力系統取代現有的四台柴油發電機,加上可再生電力 ; 如太陽能及風力發電,令Astypalaia島成為「氣候友善嘅移動 climate-friendly mobility 模範小島」。

大眾汽車集團和希臘將創建氣候中和交通的示範島

 目前,島上能源需求幾乎完全由化石燃料滿足。希臘希望Astypalaia成為可持續旅遊業的先驅。該項目於明年第一季度開始,計劃於2026年底完成。

希臘經濟外交部副部長聲稱: “ Astypalaia可以而且將成為可持續發展的典範,不僅在國家範圍內,而且在歐洲和全球範圍內。它可以為小社區如何從新解決方案中解決老問題中受益提供榜樣。”

大眾汽車CEO Diess 表示  “政治,商業和社會對限制氣候變化和保護地球上的良好生活條件負有共同的責任和共同利益。其次,氣候保護和無碳機動性並不意味著生活質量的損失。相反,它們使生活更健康,更清潔,更輕鬆,更方便。”

如果香港政府明日大嶼係一個類似咁嘅project,相信支持度即刻UP! UP! UP!

 

資料及圖片來源: InsideEVs; Balkan Green Energy News; Volkswagen Newsroom