LOADING CLOSE

車廠最痛靠一技K.O.! 不過…..

車廠最痛靠一技K.O.! 不過…..

[Bolt仔開心share]
四款車,四個車廠,不同國藉遇上同一情況 ! 車廠最頭痛最怕嘅情況 ! 唔係有車賣唔出,係賣咗都要收返 !
最近EV界好黑仔,接連出問題要產品回收,好似本來6月一出個勢好好嘅Polestar 2,軟件故障可能導致汽行駛中斷電而全部收回 ; 韓國Hyundai Kona 電動車2019-2020的美加版 ; 甚至BMW 2020-2021混能車,都因電池問題要大規模回收,真係慘慘豬!

本來銷售反應好好的 Polestar 2 因軟件問題回收更正

唔好以為Tesla 無份,其實新到連香港都未有嘅Model Y 都中招 ! 有二千幾部受影響咁多,但全部唔洗返廠無車主投訴 ! 唔通全部係Elon Musk 死忠粉絲?
是咁的。
根據最新美國國家公路交通安全管理局(NHTSA)發出回收通告,有2567架受影響的Tesla Model Y 電動車輛,加咗自選拖車功能 (Tow package),因軟件錯誤可能令拖車製動燈失效唔着燈。有機會觸犯聯邦機動車安全標準(FMVSS)編號108條例,所以發出回收通告。

Tesla CEO Elon Musk 及 Model Y

同樣係軟件錯誤,但Tesla完全唔洗好似其他牌子要大規模收回廠,因為Tesla聲稱已通過空中更新(Over-the-air)解決咗這個問題。根據產品回收通告所講,Tesla已將把問題通知車主,而且已於2020年9月23日用OTA發布咗固件更新,問題即時K.O.咗。
換句話講,本來需要回收不符合聯邦法規的回收問題,無需返廠而完全解決。就好似《復仇者3》Thanos手指一彈,得咗 !
  How to Implement OTA Updates for Connected Cars | Intellias Blog
 OTA (空中更新)一直係Tesla領先市場的強項,多年來,一直通過OTA軟件更新解決問題。Tesla亦運用OTA在其他幾方面對車輛進行了重大安全升級。
以2018年為例,當時美國權威消費者組織《消費者報告 Consumer Report》發現Model 3的製動距離比福特Ford F-150的製動距離差,當時佢啱啱推出市場㗎Model 3 係大危機,點知Tesla CEO馬斯克(Elon Musk)幾日後,便利用OTA空中更新解決問題。根據CR的測試,制動距離增加了6米 (19尺)。
當時呢個方法真係一個破天方:車主乜都唔使做,架車會自動下載代碼,而且即刻更安全 !
當時分析師稱為 「聞所未聞」。Jake Fisher CR’汽車測試主管 (亦係最初舉報Model 3 問題的人講 「從未見過,可以通過空中更新來改善軌道性能嘅汽車。」
OTA很神,但Tesla用OTA就讓Model 3煞車縮短6公尺一點都不神!實情是原本的煞車性能實在是爛到爆| U-CAR
本來足以震撼全公司嘅災難,Tesla手指一彈,便發布以OTA更新軟件解決 !!  即使依家睇返,都覺得難以想像,科幻到如魔法一樣。
介紹返,早自2012年,Tesla由Model S推出開始便提供了OTA更新功能,但近來其他汽車製造商開始追趕,如Jaguar I-Pace電動跨界車及福特野馬Mach-E。但對OTA的運用出神入化就始終係Tesla大幅領先。
講到咁正,但OTA可以係一把「雙刃劍」。Tesla使用OTA來增加新功能和糾正故障時,係超方便,但亦同時對汽車施加了空前的控制權,令車廠有可能隨時改變你架車,係你唔知嘅情況下,刪除或禁用你架車某功能,你根本唔會發覺,亦冇得阻止。亦可以好似電影橋段咁,遙距操控你架車嘅煞車系統。
Tesla 用OTA已經係強到一個點,例如三年前曾經係美國超級台風迫近時,加長部份車續航力以協助災民疏散 !
係咪開始覺得OTA太強大?不久前就有Model 3車主群組,討論軟件更新後車速慢咗,懷疑Tesla 有意修改汽車性能,控制影響汽車表現,令車主想買新車。情況就好似你部iPhone,如果被偷偷地更新OS版本,之後反而慢咗,令你想轉新機咁。究竟係咪咁?Bolt仔答唔到你啦,不過新手機靚嘅話bolt仔都會出 !

圖片及資料來源:  The Verge The Green Car reports;Tesla, Intellias Blog,